Acta Francisci Pp. 105

Recepta libertate, exstinctis hostilibus, Reverendus Dominus Alfredus

Lanfranconi, Vicarius Apostolicus Tunguensis novam decrevit fondare mis-

sionem in regione quam stirps « Kayah » incolebat atque patri Mario Vergara

hoc novum apostolatus territorium concredidit. Eius operositas missionalis

statim optimos genuit fructus atque multas dedit in religionem catholicam

conversiones. Pastoralem industriam Venerabilis Servi Dei pater Petrus

Galastri iuvit nec non quidam catechistae, inter quos Venerabilis Servus

Dei Isidorus Ngei Ko Lat, in « Taw Pon Athet » natus atque die VII mensis

Septembris anno MCMXVIII baptizatus. Consuetudines cum missionariis PIME

in eo vocationem sacerdotalem suscitaverunt, sed ob incommodae valetudinis

condiciones non potuit prosequi iter Seminarii quod inceperat. Pro dolor,

aetas post bellum vidit etiam, eodem tempore quo Birmania libertatem ab

occupatione Anglica est adepta, bellum civile hac in natione. Territorium

missionis Venerabilis Servi Dei peculiari modo campus fuit bellicus. Mis-

sionalis praeterea et caritatis opera patris Vergara molestiam peculiariter

quibusdam ducibus seditionis exhibuit, qui christianam fidem recusabant ob

certos et bonos fructus promotionis religiosae et humanae inter gentes loci.

Bellum civile mutationem habuit certam ineunte mense Ianuario anno MCML,

cum milites gubernationis iterum magni momenti urbem « Loikaw » occupa-

rent, rebelles ad fines Thailandiae expellentes, praeter flumen « Salween », in

territoria videlicet missionis catholicae. Aucta est igitur erga fidem catholi-

cam oppositio ex parte capitis loci « Tire » atque ducis Richmond, unius ex

ducibus seditionis, qui syncretismum profitebantur religiosum cum proposito

politico et militari. Per annum actiones dolosae et violentae in Ecclesiam

multiplicatae sunt et catechistae, ob persecutionem, obire sunt coacti. Post

meridiem diei XXIV mensis Maii anno MCML Venerabilis Servus Dei Marius

Vergara et catechista Isidorus Ngei Ko Lat in insidias sunt inlati. Simulatione

conventus cum duce loci « Tire » ad quasdam res explanandas, sine causa a

duce Richmond et militibus inordinatis in custodiam sunt inclusi. Mane die

XXV mensis Maii in odium fidei in ripis fluminis « Salween » sunt interfecti.

Martyrii fama duorum Venerabilium Servorum Dei solida fuit et constans

tum inter sodales PIME tim inter gentes loci. Mutatis aetate nostra con-

dicionibus socialibus, politicis et religiosis, Inquisitio dioecesana in dioecesi

Loikavensi incipi potuit, quam Congregatio de Causis Sanctorum Decreto iu-

ridice approbavit. Consultores theologi, in Congressu peculiari die XI mensis

Iulii anno MMXIII coadunati, de martyrio sententiam positivam dederunt atque