Congregatio de Causis Sanctorum 191

Provincialis ut, morbi et adversae valetudinis causa, in patriam reverteretur; sic stantibus rebus, a munere Episcopi Sanctae Marthae dimissionem porrexit, et Episcopus titulo Echinensis exornatus est.

Relicta Columbia, mense Decembri anno 1913, dum coenobia invisebat Provinciae Baeticae, valetudo eius in deterius ruit. Die enim sabbati 22 mensis Augusti anno 1914 in conventu Sanctae Mariae Magdalenae, in Masamagrell Valentiae in Hispania animam exhalavit.

Obitum eius secutae sunt exsequiae quae coram ingenti fidelium multitudine sollemniter sunt celebratae, quibus praefuit Venerabilis Pater Aloisius Amigò, epis- copus tunc Segobricensis, nec defuerunt christifideles quaerentes reliquias Servi Dei. Exuviae eius in Sacello Mariae Immaculatae eiusdem conventus sunt conditae.

Tanta sanctitatis fama perpensa, Processus dioecesanus instructus est tam Valentiae in Hispania inter annos 1927-1931, quam in Sancta Martha in Co- lumbia ab anno 1928 ad annum 1932, cuius iuridicam auctoritatem Congregatio de Causis Sanctorum approbavit per Decretum die 27 mensis Septembris anno 1984 vulgatum. Exarata Positione, disceptatum est, de heroicis virtutibus a Dei Servo exercitis. Die 12 mensis Octobris anno 2012 Peculiaris Consultorum Theologorum Congressus habitus est positivo cum exitu. Patres Cardinales et Episcopi in Sessione Ordinaria congregati die 18 mensis Februarii anno 2014, me praesidente Angelo Card. Amato, edixerunt Servum Dei heroico in gradu theologales, cardinales eisque adnexas virtutes esse exsecutum.

Facta demum de hisce omnibus rebus Summo Pontifici Francisco per subscriptum Cardinalem Praefectum accurata relatione, Sanctitas Sua, vota Congregationis de Causis Sanctorum excipiens rataque habens, hodierno die declaravit: Constare de virtutibus theologalibus Fide, Spe et Cavitate tum in Deum tum in proximum, necnon de cardinalibus Prudentia, Iustitia, Temperan- tia et Fortitudine, iisque adnexis

f in gradu heroico, Servi Dei Francisci Simón y

Ródenas, ex Ordine Fratrum Minorum Capuccinorum, Episcopi tit. Echinensis, olim Episcopi Sanctae Marthae, in casu et ad effectum de quo agitur.

Hoc autem decretum publici iuris fieri et in acta Congregationis de Causis Sanctorum Summus Pontifex referri mandavit.

Datum Romae, die 3 mensis Aprilis a.D. 2014.

angeluS card. amato, S.D.B. Praefectus

L. G S.

G marcelluS Bartolucci Archiep. tit. Mevaniensis, a Secretis