Acta Francisci Pp. 99

Professionalem curavit religiosarum parationem, spiritum caritatis usque

ad heroicum gradum significans, sive in iuvandis infirmis sive in educandis

iuvenibus. Opera eius ita nota erat ut « vir caritatis » appellaretur, cum anno

MDCCCL Episcopus Tarvisinus est electus. Decem post annos in Vicentinam

translatus est dioecesim quam duodetriginta annos, usque ad obitum, rexit.

In utraque dioecesi frugiferum explevit ministerium, culturalem curans et

spiritalem cleri, iuvenum et fidelium institutionem, sollicitus praecipue de

humillimis in societate, pauperibus et infìrmis. Rationem studiorum et dis-

ciplinam in Seminario renovavit, duas explevit pastorales visitationes atque

Vicentiae dioecesanam celebravit synodum. Sacerdotum societatem promo-

vit ad missiones populo praedicandas. Institutionem curavit magistrorum

scholae primariae atque operatus est ut pueri re vera scholam frequenta-

rent. Scholas doctrinae christianae renovavit atque sacerdotibus suasit ut

cum christifidelibus laicis operam sociam promoverent. Minutatim paravit

propositum curae pro egentibus iuvandis ita ut populus eum « episcopum

pauperum » appellaret. Peculiari modo de anima et corpore infirmorum

sollicitus est, vices gerens capellani in valetudinario Trevisino. Similem

curam de sacerdotibus ostendit indigentibus pro quibus societatem mutuae

caritatis instituit ad iuvandos presbyteros pauperes, seniores et infirmos.

Tota eius vita pastorali studio eminuit, non recusabat labores neque fatiga-

tiones, sed etiam profundo signata est dolore, solitudine, acerbitate et in-

comprehensione. Annis maturitatis iniuriose etiam accusabatur, sed silentio

respondit, venia et serenitate spirituali, veluti vir qui semper fidelis erat

erga propriam in bono agendo conscientiam. Quinque et octoginta annos

natus, die IV mensis Martii anno MDCCCLXXXVIII, pie in Domino obdormivit,

sanctitatis circumdatus fama, quae magis in dies inter sorores increbruit, in

provinciis ecclesiasticis et civilibus Italiae et variis in orbis partibus. Qui de

eo loquebantur, eum episcopum vocabant pauperum, eximium sacerdotem,

sanctum pastorem, virum caritatis.

Annis MCMXC-MCMXCII Vicentina in dioecesi Inquisitio dioecesana est ins-

tructa. Consultores Theologi, faventi sententia Consultorum Historicorum

in Congressu peculiari die XXIX mensis Februarii anno MM congregatorum,

die XII mensis Decembris anno MM edixerunt Servum Dei virtutes heroicum

in modum exercuisse. Etiam Patres Cardinales et Episcopi in Sessione Or-

dinaria die XX mensis Februarii anno MMI eiusmodi sententiam edixerunt.