98 Acta Apostolicae Sedis - Commentarium Officiale

II

Quibus Beato Ioanni Antonio Farina Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Ignem veni mittere in terram et quid volo? Si iam accensus esset! »

( Lc 12, 49).

Haec Iesu verba, quae beatus Ioannes Antonius Farina veluti vitae pro-

positum elegit, plene pastoralem ardorem significant qui eum in presbyte-

rali et episcopali ministerio incitavit, nec non singularem eius caritatem

qua parvos, pauperes et mala patientes est amplexus.

In Gambellara, provinciae Vicentinae, die XI mensis Ianuarii anno MDCCCIII

natus, a patruo, sacerdote et vero spiritalis vitae, doctrinae et operosae

caritatis magistro, educatus est. Quindecim annos natus Vicentinum in-

gressus est Seminarium in quo ita pietate et mentis dotibus eminuit ut

alterum et vicesimum annum agenti munus docendi parvos ei concrederetur.

Die XIV mensis Ianuarii anno MDCCCXXVII sacerdotali ordinatione est auctus

atque in Seminario docere perrexit nec non eodem tempore Vicentiae in

ecclesia sancto Petro dicata alter a parocho fuit. Rectorem deinde scholae

publicae lycealis et primariae egit nec non sodalem variarum institutionum

culturae, religionis et caritatis. In paroecia Piam Operam S. Dorotheae est

moderatus atque primam instituit popularem scholam femininam provinciae

Vicentinae ut puellae pauperes instituerentur et opus earum condicioni

congruum iis daretur. Anno MDCCCXXXVI condidit Sorores Magistras a Sancta

Dorothea Filias a Sacris Cordibus: institutum videlicet religiosum « cum

magistris solidae vocationis, Domino consecratis atque plene educationi

dicatis pauperum puellarum ». Scholam ad puellas non inopes, surdas cae-

casque extendit: multas formas caritatis amplexus est consideratis societatis

necessitatibus, sorores mittens infirmarias ut aegrotantes et senes iuvarent

in valetudinariis, deversoriis et domibus.