100 Acta Apostolicae Sedis - Commentarium Officiale

Noster sanctus Decessor Ioannes Paulus II die XXIV mensis Aprilis anno

MMI Decretum super virtutibus promulgavit. Servatis omnibus iuris legibus,

die VII mensis Iulii anno MMI Decretum super miro est promulgatum. Bea-

tificationis deinde ritus, cui idem Summus Pontifex praefuit, die IV mensis

Novembris anno MMI Romae, in Platea Petrina, est peractus.

Intuitu Canonizationis, examini subiecta est Congregationi de Causis

Sanctorum mira quaedam sanatio quae in Andhra Pradesh evenit, meridio-

nali in India. Consilium Medicum Congregationis de Causis Sanctorum die

XIV mensis Aprilis anno MMV agnovit consensu omnium sanationem sub luce

scientiae medicae inexplicabilem. Consultores Theologi in Congressu pecu-

liari die XXVIII mensis Novembris anno MMXIII habito faventem sententiam

protulerunt et idem Patres Cardinales et Episcopi edixerunt in Sessione

Ordinaria die XVIII mensis Martii anno MMXIV congregati.

Nosmet Ipsi die III mensis Aprilis anno MMXIV facultatem Congregationi

de Causis Sanctorum tribuimus ut Decretum super miraculo promulgaret.

Die XII mensis Iunii anno MMXIV in Consistorio omnia haec approbavimus

eiusque Canonizationem die XXIII mensis Novembris anno MMXIV celebran-

dam decrevimus.

Hodie igitur in Foro Petriano inter sollemnia hanc pronuntiavimus for-

mulam:

Ad honorem Sanctae et Individuae Trinitatis, ad exaltationem fidei ca-

tholicae et vitae christianae incrementum, auctoritate Domini nostri Iesu

Christi, beatorum Apostolorum Petri et Pauli ac Nostra, matura deliberatone

praehabita et divina ope saepius implorata, ac de plurimorum Fratrum

Nostrorum Consilio, Beatos Ioannem Antonium Farina, Cyriacum Eliam

Chavara a Sacra Familia, Ludovicum a Casaurea, Nicolaum a Longobardis,

Euphrasiam a Sacro Corde et Amatum Ronconi Sanctos esse decernimus et

definimus, ac Sanctorum Catalogo adscribimus, statuentes eos in universa

Ecclesia inter Sanctos pia devotione recoli debere. In nomine Patris et Filii

et Spiritus Sancti.

Clarus hic episcopus diligentem ostendit spiritalem progressum atque in-

signia dedit pietatis testimonia. Dum illius conspicimus cursum, ad altiorem

usque in cotidiana vita imitationem Salvatoris incitamur adque sanctitatem

et proprii status perfectionem prosequendam invitamur.