Congregatio de Causis Sanctorum 501

Variis cum institutis religiosis solita fuit, quorum aliqui ex Venetio-

la originem duxerant. Etsi vero iucunditate, humanitate, sagacitate atque

apostolici spiritus fortitudine emicuit, nullum tamen Institutum ob corporis

iniuriam, quam patiebatur, eam recepit. Fide autem ac spe fortis, numquam

coram difficultatibus cessit, sed perscrutationem suam semper perseveravit.

Anno 1926, Servae Iesu a Sancissimo Sacramento, Tolosae in Gallia

anno 1857 institutae, Caracae domum aperuerunt, quam Famula Dei cogno-

vit frequentavitque, et ab iis petiit, ut illuc admitteretur. Die 8 mensis

Septembris anno 1827, Congregationem religiosam hanc ingressa est, die

vestitionis Mariae a Monte Carmelo sumens nomen. Exinde in multis ope-

ribus gerendis et Sororibus senioribus adiuvandis iugiter enisa est. Mulier

profundae et continuae orationis, peculiarem insuper erga Sanctissimum

Sacramentum et Beatam Mariam Virginem exhibuit devotionem. Amorem

dein Iesu Hostiae constanter increbuit et momentum servitii sacerdotalis

intellexit, quae omnia fuerunt initia et instituta rationis illius fidei, quam

novae Congregationi anno 1966 fundatae tradendam curavit.

Die 8 mensis Septembris anno 1932, vota perpetua professa est. Post

tempus institutionis Tolosae consummatum, anno 1935 Magistra Novitiarum

Domus Caracensis constituta est, quo munere summa cum sollicitudine usque

ad annum 1943 functa est: anno ante enim, phtisi, quam magna autem cum

animi fortitudine pertulit, correpta est et anno 1945 rheumaticis molestiis

laborare coepit, quae eam usque extremum vitae comitatae sunt.

Annis 1949-1957 Congregatio Servarum Iesu a Sanctissimo Sacramento

corroborata est et valde in Venetiolam diffusa, in qua Mater Maria a Mon-

te Carmelo actuosa sedulitate versata est, praesertim ab anno 1946, cum,

Generalis Moderatrix electa, Sororibus sociis presbyterisque adiuvandis et

instituendis alacriter deserviit. Ea moderante, scholas condiderunt Soro-

res, apostolatum apud paroecias expleverunt et sedulam apud Seminaria et

Curias Episcoporum dederunt operam; anno 1952, domum etiam Cucutae

fundaverunt, quae primitiae fuit in Columbia.

Inter annos 1957 et 1959, Congregatio Servarum Iesu a Sanctissimo

Sacramento, post attentam cogitationem, in Institutum saeculare sese com-

mutare decrevit, quod a Sacra Congregatione pro Religiosis petitum est

recognoscendum. Sorores autem Venetiolae, quae statum suum religiosum