Congregatio de Causis Sanctorum 507

4. Trinitas de Andrés Lanas (qui, dum saeculo viveret, Primus), sodalis

Matritensis, in vico, quem Vascones vulgo Maeztu nominant, in regione

Arabensi, in Hispania, die 7 mensis Februarii, anno 1877, ortus est. Per-

petuis nuncupatis votis se obligavit die 30 mensis Maii, anno 1920. Matriti

occisus est die 5 mensis Februarii, anno 1937, posteaque in orientali coe-

meterio conditus, quod iacet prope templum maximum Deo et Deiparae

Virgini sacrum (nam caelestem suae urbis patronam Matritenses vulgato

nomine Almudenae colunt).

5. Matthias Morín Ramos (qui, dum saeculo viveret, Ioannes Raimundus)

in vico Salvatierra de Tormes, prope Salmanticam, die 6 mensis Martii,

anno 1913, in lucem susceptus est. Temporaria vota nuncupavit die 7 men-

sis Martii, anno 1931. Invitus autem cum in rei publicae exercitum saluti

tuendae nomen dedisset, ab omnium fere militum Deum negantium, opi-

nione prorsus abhorrens, defectionem temptavit. Patefacta autem religiosa

eius condicione, Matriti, mense Septembri, anno 1937, comprehensus est

in loco v. d. Sierra de Guadarrama, cerro de Salamanca prope Matritum

ignivomaque transfossus manuballista.

Alii, ad Valentinam pertinentes sodalitatem, cui in suburbio Malvarrosa

sedes, interfecti sunt Valentiae die 4 mensis Octobris, anno 1936, posteaque

in municipii coemeterio, in praedicto suburbio, conditi, scilicet:

6. Christophorus Pérez del Barrio (qui, dum saeculo viveret, Thomas)

Palantiae die 21 mensis Decembris, anno 1864, in vitam venit. Ex perpetua

votorum formula sacrum ingressus est sodalicium die 24 mensis Novembris,

anno 1893.

7. Leander Iosephus Aloy Domenech (qui, dum saeculo viveret, Iosephus)

in oppido Bétera, prope Valentiam in Hispania, die 16 mensis Novembris,

anno 1872, natus est. Perpetuis nuncupatis votis se obligavit die 20 mensis

Decembris, anno 1903.

8. Crux Ibáñez López (qui, dum saeculo viveret, Dionysius Anterus), in

vico Sabiñán, prope Caesaraugustam in Hispania, die 3 mensis Ianuarii,

anno 1886, genitus, perpetuis Deo votis se adstrinxit die 27 mensis Maii,

anno 1917.