506 Acta Apostolicæ Sedis - Commentarium Officiale

Quorum nomina hic fideliter descripta prostant, brevi adiecta cuiusque

vitae memoria:

Egregii, qui infra recensentur, religiosi viri interfecti sunt Barcinone, die

27 mensis Augusti, anno 1936:

1. Mauritius Íñiguez de Heredia Alzóla (qui, dum saeculo viveret, Alexan-

der) in vico, quem Vascones vulgato nomine Dallo appellant, in regione Ara-

bensi, in Hispania, die 8 mensis Februarii, anno 1877, ortus est. Parentibus

orbatus, paternis avis auctoribus simul et praeceptoribus, christianis moribus

optime institutus est cum Benedicto fratre, qui postea et ipse nomen dedit

in Hospitalarium Ordinem Sancti Ioannis de Deo. Cui quidem sacro sodali-

cio, perpetuis nuncupatis votis, se addixit Mauritius die 12 mensis Martii,

anno 1905, ibique pietate et sollertia adeo eminuit, ut omnium consensu

« sanctus vir » audiret (nam santo varón vulgo Hispani dicunt); praeterea stipi

pro Ordinis operibus cogendae delectus est. Post annum 1934 inter Mino-

rissanos degit fratres, in valetudinario, ut supra diximus, operam dantes.

Libertate recuperata, Barcinonem una cum confratre Aloisio Beltrán Solá

Jiménez in deversorium profugit; ambo tamen comprehensi prope clinicum

Athenaei valetudinarium ignivoma manuballista prostrati sunt, posteaque

in coemeterio vici Montjuic, quod est Barcinonense suburbium, conditi.

2. Aloisius Beltrán Solá Jiménez (qui, dum saeculo viveret, Servilianus)

in vico Amunarizqueta, in Navarra, die 20 mensis Aprilis, anno 1899, in

lucem editus est. Sacrum sodalicium die 16 mensis Februarii, anno 1918,

ingressus, perpetuis Deo votis se devinxit die 15 mensis Octobris anno 1925.

Barcinone, quo profugerat, enecatus est.

Alii interfecti sunt prope Matritum, scilicet:

3. Gaudentius Íñiguez de Heredia Alzóla (qui, dum saeculo viveret, Be-

nedictus), Mauritii germanus idemque unus sodalium quibus Ciempozuelos

sedes, in vico, quem Vascones vulgato nomine Dallo appellant, in regione

Arabensi, in Hispania, die 16 mensis Aprilis, anno 1882, natus est. Sacrum

sodalicium ingressus, ex perpetua votorum formula se Deo mancipavit die

12 mensis Martii, anno 1905. Matriti comprehensus, interfectus est die 1

mensis Augusti, anno 1936, in oppido Valdemoro, haud procul ab eadem urbe.