508 Acta Apostolicæ Sedis - Commentarium Officiale

9. Leopoldus de Francisco Pío (qui, dum saeculo viveret, Ioannes Fran-

ciscus Stephanus Pius) in oppido Caravaca, in regione quam Murcia vulgo

Hispani dicunt, die 3 mensis Augusti, anno 1877, ortus est. Ex perpetua

votorum formula se Deo mancipavit die 6 mensis Maii, anno 1923.

10. Felicianus Martínez Granero (qui, dum saeculo viveret, Franciscus)

in vico vulgo Taberno, prope Almeriam in Hispania, die 23 mensis Ianua-

rii, anno 1863, in lucem susceptus est. Perpetuis nuncupatis votis se sacro

sodalicio addixit die 3 mensis Iunii, anno 1928.

11. Ioannes Iosephus Orayen Aizcorbe (qui, dum saeculo viveret, Ioannes),

in vico, quem Hispani vulgato nomine Osácar appellant, in Navarra, die

11 mensis Martii, anno 1899, natus, perpetuis Deo votis se devinxit die 10

mensis Maii anno 1931.

12. Iosephus Michaël Peñarroya Dolz (qui, dum saeculo viveret, Iosephus)

in vico Forcall, in regione Castellionensi in Hispania, die 3 mensis Decem-

bris, anno 1908, ortus est. Sacrum sodalicium ex perpetua votorum formula

iniit die 8 mensis Septembris anno 1935.

13. Publius Fernández González (qui, dum saeculo viveret, Publius Vic-

torinus) in vico, quem Hispani vulgo Otero de las Dueñas nominant, prope

Legionem, die 24 mensis Maii, anno 1908, in lucem editus est. Temporaria

vota nuncupavit die 8 mensis Septembris, anno 1934.

14. Avelinus Martínez de Arenzana Candela (qui, dum saeculo viveret,

Avelinus Alfonsus Iosephus), Barcinonensis, die 31 mensis Decembris, anno

1898 genitus, sacrum sodalicium ingressus est die 1 mensis Ianuarii, anno

1934 et sequenti die 18 mensis Septembris religiosam vestem induit.

Duo autem, qui sequuntur, Dei Famuli trucidati sunt die 7 mensis Au-

gusti, anno 1936, posteaque in coemeterio vici Cabanyal , quod est Malacae

suburbium, in communi sepulcro, conditi:

15. Leontius Rosell Laboria (qui, dum saeculo viveret, Raimundus Ia-

cobus Benedictus), Barcinonensis, die 13 mensis Decembris, anno 1898,

in vitam venit. Perpetuis nuncupatis votis se obligavit die 25 mensis Iulii,

anno 1922.