502 Acta Apostolicæ Sedis - Commentarium Officiale

servare cupiebant, re cum sociis Sororibus Galliae in spiritu caritatis dis-

ceptata, novam e domibus Venetiolae et Columbiae Congregationem religio-

sam instituendam efflagitaverunt. Et die 23 mensis Novembris anno 1965,

Congregatio pro religiosis decretum emisit novae Congregationis religiosae

Ancillarum a Iesu iuris dioecesani instituendae, quae uti Congregatio reli-

giosa iuris pontificii die 16 mensis Maii anno 1985 probata est.

Pignus extremum peregrinationis eius in mundo iniuria fuit illa, quam

Mater Maria a Monte Carmelo collidentibus vehiculis automobilibus anno

1974 subiit. Dum valetudinem reficiebat: « Mea parva est assula nova - dice-

bat - Crucis Christi, quam fervore et iucunditate baiulo ». Opus suum etiam

super sedem rotis praeditam vel baculorum ope perrexit et Congregationis

domus visitavit omnes usque ad diem 9 mensis Maii anno 1977, cum ad

amantissimo Sponso occurrendum parata pie in Domino quievit. Qui exequiis

interfuerunt sanctitatem eius et vitam summopere caritate suffultam erga

Deum et Ecclesiam mirati sunt.

Ob sanctitatis famam Causa beatifìcationis et canonizationis apud Cu-

riam Archiepiscopalem Caracensem inita est per celebrationem Inquisitio-

nis dioecesanae inter annos 1995 et 1996, cuius auctoritas et vis iuridica

a Congregatione de Causis Sanctorum die 18 mensis Octobris anno 1997

probatae sunt. Positione confecta, die 27 mensis Novembris anno 2010,

in Congressu Peculiari Consultorum Theologorum prospero cum exitu dis-

ceptatum est, iuxta consuetudinem, an Serva Dei more heroum virtutes

christianas exercuisset. Patres Cardinales et Episcopi in Sessione Ordinaria

diei 18 mensis Iunii anno 2013, cui egomet ipse Angelus Cardinalis Amato

praefui, professi sunt Servam Dei virtutes theologales, cardinales iisque

adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Ma-

riae a Monte Carmelo (in saec.: Carmelitidis Helenae Rendiles Martínez),