510 Acta Apostolicæ Sedis - Commentarium Officiale

23. Stanislaus a Iesu Peña Ojea (qui, dum saeculo viveret, Isidorus Va-

lentinus) in oppido, quod Hispani vulgato nomine Talavera de la Reina

appellant, prope Toletum, die 4 mensis Aprilis, anno 1907, genitus est.

Temporaria vota nuncupavit die 26 mensis Iunii, anno 1926; mense autem

Maio, anno 1932, ad saeculum rediit. Sacrum tamen insequenti mense No-

vembri cum sodalicium rursus intrasset, temporariam votorum professionem

iteravit die 8 mensis Iunii, anno 1934.

24. Sallustianus Alonso Antonio (qui, dum saeculo viveret, Florentinus)

in vico El Torno, prope Castra Caecilia (nam Cáceres vulgo Hispani dicunt),

die 14 mensis Martii, anno 1876, in vitam venit. Temporaria vota nuncupavit

die 14 mensis Maii, anno 1896; mense autem Augusto, anno 1903, ad sae-

culum rediit. Tandem insequenti anno, mense Maio, in sacrum sodalicium

nulla emissa professione rursus ascitus, impigram exinde curandis aegrotis,

uti frater oblatus, operam dedit.

Quamobrem, cum invaluisset in populo fama Martyrii ipsique tamquam

Christi Martyres in odium fidei perempti haberi coepti fuerint ac recoli,

de Beatorum Martyrum honoribus ipsis tribuendis in ecclesiasticis curiis

Barcinonensi, Matritensi, Valentina, Malacitana, ab anno 1948 ad annum

1996, per varios gradus sive fuere ordinaria potestate Processus adornati

sive dioecesanae Inquisitiones peractae. Quas quidem investigationes haec

ipsa Congregado de Causis Sanctorum, singulis deinceps editis Decretis,

legitime probavit: primum videlicet, anno 1986, Matritensem et Barcinonen-

sem, alteram die 2 mensis Maii, alteram die 7 mensis Novembris; deinde

Valentinam, die 22 mensis Novembris, anno 1996; postremo Malacitanam,

die 18 mensis Octobris, anno 1997. Praeparata igitur Positione, Theologi

Consultores, die 19 mensis Februarii, anno 2013, in Peculiari Congressu

sedentes, favorabilem de re, de qua agitur, dixere sententiam. Denique in

Sessione Ordinaria, quae proxime elapso die 4 mensis Iunii anno 2013 coac-

ta est, cui praefui ego Angelus Cardinalis Amato, omnes, qui adfuere, tum

Patres Cardinales tum Sacrorum Antistites Causis Sanctorum tractandis,

supra memoratos Dei Famulos propter fìdelitatem erga Christum et Eccle-

siam interfectos esse cunctis suffragiis adfirmarunt.

De hisce omnibus rebus, referente subscripto Cardinali Praefecto, cer-

tior factus, Summus Pontifex Franciscus, vota Congregationis de Causis