Congregatio de Causis Sanctorum 189

VALENTINA seu SANCTAE MARTHAE

Beatificationis et Canonizationis Servi Dei Francisci Simón Ródenas ex Ordine Fratrum Minorum Capuccinorum Episcopi tit. Echinensis olim Episcopi Sanctae Marthae (1849-1914)

DECRETUM SUPER VIRTUTIBUS

« Quam pulchri super montes pedes annuntiantis, praedicantis pacem, annuntiantis bonum, praedicantis salutem, dicentis Sion: "Regnavit Deus tuus!" ( Is 52, 7).

Servus Dei Franciscus Simón Ródenas, sodalis Fratrum Minorum Capucci- norum et Episcopus missionarius in dioecesi Sanctae Marthae in Columbia, boni nuntii authenticus exstitit praeco. Ipse enim tam verbo quam vitae exemplo Evangelium Domini Iesu nuntiavit et eius Regno pacis salutisque aedificando validis operam dedit viribus.

Servus Dei in loco v. La Aparecida, dioecesis Oriolensis-Lucentinae in His- pania, sextus inter filios, e parentibus Primo Simón Pardo et Anna Ródenas Fernández humili ruricola familia, die 2 mensis Octobris anno 1849 ortum habuit. Octo dies natum mater praesidio Beatissimae Virginis Mariae commen- davit: hoc quidem eventu tota eius vita signata est. Anno 1862 Oriolae contigit ut Franciscus quodam die conveniret Sanctum Antonium Mariam Claret, qui, dubia Francisci excipiens circa propriam vocationem, sodalem religiosum fu- turum esse praedixit. Anno 1864 uti alumnus externus nomen dedit Seminario Oriolensi, ubi sequenti anno ad statum alumni interni transiit. Quandoquidem anno 1868 Seminarium ob politica temporis adiuncta clausum est, Servus Dei simul cum aliis sociis Congregationem condidit Sancti Aloisii Gonzaga et Immaculatae Conceptionis, ut in Seminario spiritualis aura servaretur.

Anno 1875 sacro presbyteratus ordine est insignitus apud templum Oriolen- se Monialium Dominicanarum. Sublimius nutriens propositum consecrationis, die 29 mensis Augusti anno 1876 ingressus est monasterium Cisterciensium Reformatorum in Abbatia Dominae Nostrae v. de Divielle, in Montfort-en-Cha- losse, in Gallia, quod tamen mense Aprili anno 1880 relinquere coactus est propter leges Gallicas quibus statuebatur ut religiosi exteri expellerentur.

Itaque in Hispaniam regressus est et mense Maio anno 1880 consilium cepit capuccinam vitam amplectendi, habitum induens in conventu Pampelonis in Hispa- nia. Anno 1881 a Ministro Generali titulo Praedicatoris honestatus est, ac mense Maio eiusdem anni temporaria vota nuncupavit; deinde, missus in conventum Sanctae Mariae Magdalenae in Masamagrell, provinciae Valentinae, nominatus