U

1378C Ubique. II, 1035 B, Per ubique orbis, εἰς τὰ πανταχοῦ τῆς γῆς. Salmas. negat esse atticismum.

Ultimare, in ultima parte esse, ad finem properare. II, 1032 A, Cum tamen ultimarent tempora patriae.

Umbo, togae erat centrum, et nodus artifex cocuntium plicarum, inde umbilicus togae. II, 1046 A, Totumque contractu umbonis figmentum custodibus forcipibus assignet.

Umbra. II, 198 B, Hanc primam umbram plane sine lumine pessimus pictor illis argumentationibus coloravit, ab arte pictoria, quam Hermogenes exercuerat, tractum. Prima picturae initia, inquit Plinius, umbra hominis lineis circumducta, quae linearis dicta; secunda singulis coloribus, et monochromatos appellata. Itaque prima sine ullo colore fuit, adeo ut quos pingerent, adscribere esset institutum. Deinde lineae colorari coeptae testa trita. Cujusmodi picturae in arte tectonica par est ἰχνογραφία, quae est areae jacens efformatio, et superficiaria descriptio, futuri operis 1378D specimen exhibens. Exponitur de sermonis, argumenti, rei demonstratae obscuritate.

Unare. II, 190 B, Dividere illos potius, quam unare. Simplex verbum usurpat, unde nos adunare dicimus, et coadunare. Tres Mss. Vaticani codd. legunt unire, sed illud Africanam magis phrasin redolet.

Unde, undecumque. II, 217 B, Quamquam possimus unde illas prolatas aestimare. II, 221 C, Unde habet. II, 333 C, Quam carnis veritatem unde producere.

Ungere. II, 122 A, Et ungendi bestiae calcem. Rigaltii lectio magis placet, urgendi. Urgere bestiae calcem idem est atque urgere bestiam calce. Ipse paulo post dicit: Ibidem scorpio pro solea anathema illidito. II, 338 A, Credo ad solem uncti prius. Alludit ad ἡλίωσιν sive insolationem, qua scilicet uncti calefiebant membris siccandis firmandisque. Pers. Sat. IV.

Aut si unctus cesses, et figas in cute solem.
Jun. mavult ad solium; quod vide.

1379A Ungula. II, 970 B, Et contra ungulas corneas. Inter tormenta erant ungulae, ac primum quidem, ut ex vocabulo conjicere est, de ipsis bestiis decisae, dein ad earum formam ferreae, iis latera miserorum derudebant, vel, ut dixere quidam, scribebant, charaxabant. Ait igitur Septimius cutem jejuniis aridam et corneam adversus hujusmodi tormenta constantiorem fore.

Uniformis. II, 661 B, Uniformem dumtaxat substantiae nomine, i. e. una forma essentiali, ac non pluribus praeditam; quod Plato in Timaeo docet. Hanc postea substantiam naturalem vocat.

Unitas. II, 57 C, 58 A, Schisma est unitas ipsa, i. e. prae se ferunt unitatis speciem diligentissime, sive, sunt quidem apud haereticos schismata, sed ea minus advertimus, ob communem et concordissimam nobiscum discordiam.

Universitas, πλὴρωμα. II, 623 C, Neque enim ulli hominum universitas spiritalium documentorum competat. Mundus: II, 258 B, Denique si universitas Creatoris 1379B est.

Urbanitas. I, 404 A, Urbanitate deceptos vocat, quos institutionibus pravis circumscriptos, cap. 17, scholis formatam, bibliothecis exercitam, academiis et porticibus partam sapientiam, ructantem animam, de Anim. Testim. cap. 1.

Usurpare. I, 1257 B, Facile usurpari ab impatientia coepit in omne quod Deum offenderat. Usurpant proprie, ad quos jus possessionis spectat. Sic impatientia jam velut possidens hominem, facile eum ad quidvis traxit, quod Deum offenderet.

Usurpatio. II, 750 B, In quadam usurpatione, i. e. poenarum judicialium in antecessum inflictione et anticipatione.

Usus. II, 564 B, Usus est rerum, pro eo quod est, solet, usu venit. Hellenism. χρεία ἐστι.

Ut. II, 185 A, Ut sic duos divisos diceremus, i. e. etiamsi diceremus duos esse. II, 195 A, Ut quid me dereliquisti. Graec. ἵνα τι; formula Optato Afro frequentissima.

1379C Utensilitas. I, 1309 B, Quorum ita disposita est utensilitas.

Uthinensis, episcopus Uthinax, quae urbs Africae fuit colonia Romanorum. Non agnoscebat autem, ut videtur, novam Montani prophetiam. II, 947 C, Scilicet ille vester Uthinensis.

Utilis, qui in usu est. II, 1039 B, Pars vero passivitus omnibus utiles, ut hoc pallium.