0357D Scripturus Tertullianus adversus opus Marcionis ex contrarietatum oppositionibus Antitheses cognominatum, ad separationem Legis et Evangelii coactum, qua duos Deos diversos, alterum Veteris, alterum Novi Testamenti dividebat,

c. 1. In primis diversitatem praeceptorum et disciplinarum non negans, in unum et eumdum Deum competere demonstrat; ex eo quod ipse Deus creator per Prophetas suos aliam legem novam, Evangelii nempe, orituram praedixerit pro Veteri, ac testamentum aeternum pro temporali.

0358D c. 2. Deinde, non solum Lucae Evangelium (quod Marcion adulteratum admittebat, nullo tamen adscripto titulo), sed etiam Joannis et Matthaei apostolorum, et Marci apostolici viri, non minus ac Lucae, auctoritatem habere praescribit.

c. 3. Neque vero obstare quod apostolus Paulus ad Galatas apostolos reprehendat; non enim de Evangelii depravatione aut interpolatione, sed de conversatione tantum fuisse denotatos, imo ipsa eorum Evangelii digesta a pseudo-apostolis fuisse perversa.

c. 4. Atqui, dum disputatur de titulo Evangelii, quod 0359A Marcion suum, Auctor item suum, id est Lucae, affirmat adulteratum; ei praescribi auctoritatem, quod antiquius reperiatur, et illi vitiationem quod posterius; maxime, cum Marcion aliquanto catholicae Ecclesiae crediderit, et postea in haeresim descierit.

c. 5. Quippe, cum Lacae Evangelium auctoritatem habeat ab Ecclesiis apostolicis, apud quas quod sacrosanctum est, ab Apostolis traditum constat; et proinde etiam caetera Evangelia, Joannis, Matthaei, et Marci; sed et Apocalypsis, ex ordine episcoporum ad originem recenso.

c. 6. Porro ad institutum veniens Auctor, nullam esse Veteris et Novi Testamenti diversitatem, vel inde praescribit, quod Christus noster impleverit prophetias Creatoris, et repraesentaverit promissiones ejus, 0359B ac leges adjuverit.

c. 7. Quod ipsum primum comprobat ex capite quarto Lucae sub finem, de daemonio expulso in synagoga Capharnaum, eo quod tria Lucae prima capita, et initium quarti, tanquam suae sententiae contraria erasisset Marcion.

c. 8. Ex eodem capite, partim ante, partim post dictam historiam (nam etiam hoc transposuerat Marcion) de doctrina Christi apud Nazareth in synagoga, et aliis daemoniis.

c. 9. Item ex capite quinto Lucae, de vocatione apostolorum Simonis et filiorum Zebedaei, ac leproso mundato;

c. 10. Ex eodem de paralytico curato, et appellatione Filii hominis.

c. 11. De publicano allecto a Domino, et de jejunio, ac 0359C Christo sponso, et parabola vini novi ac veteris, ex eodem capite.

c. 12. Dein ex capite VI, de discipulis colligentibus spicas, ac sanata manu arida in sabbato.

c. 13. Ex eodem, de ascensu et oratione nocturna in monte, apostolorum duodecim numero, mutatione nominis Petri, ac conventu gentium ad Christum.

c. 14. De beatitudinibus, seu sermone Domini in monte, ex eodem.

c. 15. De variis maledictionibus, quibus Vae Pharisaeis imprecatus est, ex eodem.

c. 16. De praecepto dilectionis tam inimicorum quam proximi, ex eodem.

c. 17. De faenore interdicto, aliisque Domini verbis pene ad finem usque ejusdem capitis.

0359D c. 18. Ex capite etiam VII Lucae de fide centurionis, resuscitato filio viduae, Joanne Baptista et muliere peccatrice.

c. 19. Posthaec ex capite VIII Lucae, de divitibus mulieribus adhaerentibus Christo, de verbis Domini ad discipulos, et de matre ac fratribus Christi.

c. 20. De miraculis Christi, quibus ventis ac mari imperavit, legionem daemonum ejecit, et fluxum sanguinis curavit in muliere, ex eodem.

c. 21. Ex IX item capite Lucae, de discipulis ad praedicandum missis, pasto populo in solitudine, confessione Petri: Tu es Christus, et praedicta persecutione fidelium.

0360A c. 22. De ostensione Christi cum Moyse et Helia in secessu montis, ex eodem.

c. 23. De verbis Domini ad Pharisaeos, dilectione parvulorum, et increpatione ejus qui dixerat: Sequar te quocumque ieris, ex eodem.

c. 24. Porro et ex capite X Lucae, de allectione LXX discipulorum, et potestate illis data.

c. 25. De oratione Domini ad Patrem, verbis ad discipulos, et responso facto legis doctori, ex eodem.

c. 26. Exinde ex capite XI Lucae, de Oratione dominica, aliisque orandi formis et parabolis eo pertinentibus; de surdo daemonio expulso, ac de exclamatione mulieris de turba.

c. 27. De Pharisaeis signum petentibus, et aliis eorumdem increpationibus, ex eodem.

0360B c. 28. Ex capite XII Lucae, de verbis Domini variis ad discipulos, et parabola divitis blandientis sibi de proventu agrorum suorum.

c. 29. De cura non agenda animae de victu, et corpori de vestitu, succingendis lumbis, ac servis beatis, et igne misso in terram, aliisque verbis Domini; ex eodem capite.

c. 30. Rursus ex capite XIII Lucae, de curatione Sabbato facta, parabolis, aliisque verbis Domini.

c. 31. Etiam ex capite Lucae XIV, quales ad coenam vel prandium vocandi sint, ac de coena ad quam vocavit multos.

c. 32. Item ex capite XV Lucae, de ove et dragma perditis et inventis.

c. 33. Ex capite etiam XVI Lucae, de duobus dominis, 0360C Deo et Mammona, ac dicto Domini: Lex et Prophetae usque ad Joannem.

c. 34. De divortio prohibito, ac proinde conjugio approbato, et inferno ac sinu Abrahae, ex eodem.

c. 35. Deinceps ex cap. XVII Lucae, de verbis Domini diversis, leprosis decem curatis, et interrogatione Pharisaeorum de regno Dei.

c. 36. Similiter ex cap. XVIII Lucae, de parabolis judicis, ac Pharisaei et Publicani orantium in templo, verbis Domini ad adolescentem divitem, et caeco curato.

c. 37. Ex capite etiam XIX Lucae, de Zachaeo, et servorum parabola qui secundum rationem foeneratae pecuniae dijudicantur.

c. 38. Item ex cap. XX Lucae de variis verbis Domini ad Pharisaeos, Principes Sacerdotum, Sadducaeos, 0360D et Scribas.

c. 39. Praeterea et ex XXI Lucae capite, de venturis in nomine Christi et signis ultimi finis, ac de doctrina Christi in templo et secessu in montem elaeonem.

c. 40. Idem ex cap. XXII Lucae, de die Paschae electo ad Passionem, venditione ac proditione Judae, et de distributione corporis et sanguinis Christi.

c. 41. De imprecatione illi facta, per quem traderetur Filius hominis, ac osculo traditoris; et de responso Domini ad interrogationem an ipse esset Christus, ex eodem capite.

c. 42. Ex capite quoque XXIII Lucae, de simili responso in domo Pilati, judicio apud eumdem Pilatum et 0361A Herodem, crucifixione, signis in morte, expiratione, et sepultura Domini.

Cap. XLIII. Denique ex cap. XXIV Luca, de mulieribus ad sepulcrum cum odorum paratura, de resurrectione post biduum, de apparitionibus Christi, quae mulieribus, discipulis ac Apostolis factae sunt, et de missione Apostolorum ad praedicandum universis nationibus.