V

Vacare. II, 1030 C, Cum ita vacat ac juvat, i. e. dum licet et libet. II, 1041 A, Vacuerat pro vacaverat. Abesse: II, 1047 A, Vacat Zonae tormentum. I, 276 A, Et si confessione praeveniantur, vacabunt, i. e. cessabunt, non adhibebuntur amplius, scil. tormenta. II, 226 A, Sed vacet hoc exemplum ut humanum. II, 229 A, Ex rebus consistentibus fiant necesse est, non ex vacantibus. I, 380 A, Ne notitia vacaret, i. e. ut 1379D ipsi intelligerent sacra volumina. II, 22 B, Vacabat erga nos, i. e. vacua, otiosa et inutilis erat. II, 968 B, Qui haec velut vacantia infirmant, i. e. tanquam inutilia et pretii nullius. II, 256 B, De noto vacat quaestio. II, 479 A, Ideo utraque in Christo vacabat. II, 815 B, Licet ab exemplo vacet diversitas rerum, i. e. licet exemplum sit dissimillimum, et nulla ex parte cum hoc comparandum. II, 760 B, Quia ut phantasma vacabat ad sensum earum, i. e. carebat earum sensu.

Vacuus. II, 654 B, Unde vacuae rei solida propellere, i. e. animae, si incorporalis et vacua est ad Tertulliani sensum.

Valentia, ἰσχύς. II, 238 A, Valentia facientis terram. II, 619 B, Et congregabit omnem valentiam populorum.

Vanitas. I. 1246 A, Et oris de jejunio vanitate. Etenim de jejunio nativus oris et formae vigor evanescit. Alludit ad illud Matth. VI, 16: Vultu incedunt evanido.

1380A Vanitimum, vox est antiqua, a vano dicta, pro eo quod est ad vanitatem pertinens et in ea situm. Sic aeditimus, maritimus, medioximus, finitimus. II, 224 C, n. (12).

Variare. II, 1031 A, Saecularium rerum variavit urna, i. e. rerum vices mutatae sunt. II, 558 A, Quia de patris sexu ita variant, i. e. ita plane sexu variant ut pater.

Varietas. II, 610 C, Etiam Getulorum varietates, pro eo quod est, varii Getuli; Pomp. Mela de situ Orb. lib. I, cap. 4, Natio frequens multiplexque Getuli.

Vectaculum. I, 1202 A, Dignum vectaculum Deo subjiciebat. Alii vectabulum; et melius fortasse, ex Gellii N. A. lib. XX, cap. 1; et Non. Marcell. IV, 321: Deficientis vectaculi nomine.

Vectari. II, 670 A, Asclepiades etiam illa argumentatione vectatur. II, 1002 A, Vectante vos Spiritu sancto. Irenaeus, Ambulantes in Spiritu sancto; et vetusta Actor. exempla, φερόμενοι ἐν πνεύματι ἁγιῷ.

Vectigal. I, 381 A, Vectigalis libertas vulgo aditur, 1380B i. e. libertas, quam Judaei vectigali redimunt, seu pensitatione annua, ut libere in synagogas suas et cultum suum convenire possint.

Vedius Pollio. Fregerat unus ex servis crystallinum; rapi eum Vedius jussit, nec vulgari quidem periturum morte; muraenis objici jubebatur, quas ingentes in piscina continebant. Senec. de Ira lib. III, cap. 40; Plin. H. N. lib. IX, cap. 23; II, 1048 B.

Velificare, vela dare vel facere. II, 122 A, Austro et Africo saevitia velificat, i. e. scorpiones dirum Africae malum (ut Plin. vocat lib. V H. N. cap. 7) : hoc igitur malum Africae volucre etiam Austri faciunt, inquit Plin. lib. XI; id autem est, ut docet Tertull. flante Austro et Africo.

Vendere. I, 308 A, Vendere facinora, est accepto pretio celare.

Venditari, venalem esse, haberi. I, 512 A, 513 A, Plato Dionysio ventris gratia venditatur.

Venter. II, 908 B, Ventres tegere coguntur infirmitatis 1380C ruina. Ventres dicit, ut solent auctores juris, uteros admisso viro gravidatos. Itaque ventres tegere, hoc est, graviditates dissimulare. I, 1274 A, Ventris operarios, i. e. parasitos.

Ventilare. II, 1044 B, Sericum ventilat, i. e. laxa fluxaque veste serica ventum concipit, atque undante serico incedit. II, 82 B, Odoratum in naribus ventilavit.

Ventus. II, 123 A, Plerosque vero in ventum, si placuerit Christianos, in ventum, h. e. vento ferente, vento secundo, prout occasio dederit, suaserit. Si placuerit, nimirum Caesari, proconsuli, praesidi, etc.

Veritas. II, 295 A, Imago veritati non usquequaque adaequabitur. II, 795 B, Aut nullius veritatis contendentes eam, i. e. contendentes non veram fuisse carnem Christi. I, 1264 B, Penes veritatem, i. e. penes Christum.

Vernaculus. I, 388 A, Josephus dicitur vernaculus scriptor, quoniam, ipse Judaeus, Judaeorum origines et bella cum Romanis, graece licet, descripsit. I, 421 A, 1380D genus Trojanum Cybeles vernaculum vocatur. I, 454 A, Ipsamque vernaculam septem collium plebem. I, 1341 B, Apud barbaros quosdam, quia vernaculum est aurum. II, 737 B, Scio foeminam quamdam vernaculam Ecclesiae, i. e. christianam.

Verruca. I, 1341 A, Quam conchae illius aliqua dura et rotunda verruca. Margaritas conchae verrucas vocat, quia sani concharum partus multiplici cute constant, ut non improprie callum corporis existimari possit, ideoque purgari soleant a peritis. Ita enim in ipsa ostrei carne nascuntur, quemadmodum grando solet in suilla. Vid. Athenaeum, lib. III, cap. 8, et Plin.

Versura. Versuram facere et solvere, est recepta ab alio pecunia alii reddere, quod ei debebatur. II, 1035 A, Est τὸ ἀντίστροφον vel ἡ ἀντιστροφή; alii, versuram compensato reddit.

Vertere. II, 906 B, Vertunt capillum, non idem 1381A significare videtur, ac crines intorquere. Monent verba, I, 1322 A, Video quosdam et capillum croco vertere, haec de mutatis tinctisque crinibus intelligere apud veteres. Herodian. de Antonino, Κόμάς τε τῇ κεφαλῇ ἐπετίθετο ξάνθας, et apud Clement. Alexandr. Τρῖχας ξάνθας ποιοῦν. Capitolinus in Vero: Dicitur sane tantam habuisse curam flaventium capillorum. Ea fuit flaventis capillitii affectatio, ut Laetam admoneat Hieronym.: Ne capillum irrufes. II, 705 B, Vertit autem status animarum, intransitiva significatione.

Vertex. I, 262 A, Vertex civitatis est Capitolium.

Vertiginare, II, 1037 B, quid sit, intelligi potest ex Aristotelis verbis de chamaeleonte: Στρέφει δὲ τὸν ὀφθαλμὸν κυκλῷ, καὶ τὴν ὄψιν ἐπὶ πάντας τοὺς τόπους μεταβάλλει.

Vesica. I, 521 A, Illic vesica quaeritur. Havere. Statim illic vesica queritur, i. e. quasi ventis distenditur, cruciaturque pectus illorum vehementissime. Havercampio proverbium videtur, desumptum a puerulis qui mingendi necessitatem ultra ferre non possunt, 1381B vesica lotio impleta, adeoque saepe virgam metuentes exclamant. Sic illi, audita Christianorum oratione de resurrectione mortuorum, statim egrediuntur auditorio, quasi mingendi necessitas urgeret.

Vesperugo, vespertilio. II, 703 B.

Vesticeps. II, 746 B, Puer vesticeps.

Vestificina, locus ubi vestes conficiebantur. II, 1039 A. Sed Rhenan. interpretatur: vestiarii seu sartores.

Vestire. II, 1031 A, Sic et in proximo soror civitas vestiebat. II, 1031 B, Et si quid praeterea conditio, vel dignitas vel temporalitas vestit, dicitur ἀμεταβάτως. Turneb. vult, vertit; Jun. gestit i. e. ὀρέγεται. II, 50 A, dicitur de baptismo, sancto Spiritu vestit.

Vestitus. II, 716 A, Ab his autem annis et suffusior et vestitior sexus est, vestitior pilo, qui adnascitur corpori. Vid. Investis.

Veternus, est morbus nascens ex humoribus frigidis, cerebrum infestantibus, et rationem tollens, 1381C vulgo lethargus. II, 1048 A, Nullis veternis parco. Metaph. pro vitiis.

Vetustas. II, 1022 A, Si vero post abolitionem in vetustatem aliquid ex illa revixerit, i. e. in veterem hominem, in ethnicum.

Via. I, 634 B, 635 A, Vias enim vocant cardines balteorum per ambitum, et discrimina popularium per proclivum. Vid. Balteus.

Vibrare. I, 1196 B, Ad coelum non otiosi ore suspiciunt vibrantes spiritu suo movere. Locus corruptus, forte ita restituendus: Ad coelum non otioso ore suspiciunt, vibrantes spiritum suo more, id est: Mugitus boum, balatus ovium, voces ferarum et avium sunt preces erga omnium parentem, qui providet leonibus, rugitu suo praedam quaerentibus, et alit pullos corvorum, qui illum compellant. Vibrare spiritum est fortiter emittere spiritum, uti faciunt animalia, quando clamant, et rumorem efficiunt. Prudentius dicit de Λόγῳ, Apoth. 49.

1381D Hoc verbum est quod, vibratum patris ore benigno,
Sumpsit virgineo fragilem de corpore formam.

Vices. I, 499 A, Vicem injuriae sinere est injuriam rependere. II, 437 C, Qui humani totis istius vicem retribuere non possint. II, 551 B, Hac vice seminis. Irenaeus, κάθαπερ σπέρμα.

Victoriatus, II, 907 B, nummus Victoriae imagine signatus, de quo Plin. H. N. lib. XXXIII, cap. 3. Valuit duos sestertios.

Videre. Viderit habitus, i. e. nihil refert habitus, nihil conducit ad rem, habeat se lignum hoc vel illo modo, signum crucis vel rudistipitis, dummodo lignum sit. II, 198 A, Sed viderit persona, i. e.: Quid moramur in persona, quid ad nos persona, cum doctrina mihi quaestio est? II, 555 A, Viderit Soloecismus. II, 898 C, Viderit saeculum aemulum Dei, i. e. impium hoc saeculum et Deo obnitens, vel natura duce judicet.

Videri. I, 386 A, In quo videtur, i. e. conspicitur, 1382A cernitur, ne quis interpretetur, putatur. II, 608 B, Nec si venietis videri mihi, i. e. apparere.

Viduare. II, 953 A, Cereris sacerdotes viventibus etiam viris et consentientibus amica separatione viduantur. II, 680 B, Qui vel modico temporis viduant animum intellectu.

Viduatus. II, 902 A, Plane scio, alicubi virginem in viduatu ab annis nondum viginti collocatum, ἐν χηρείᾳ, i. e. in sacro viduarum ministerio; de quo Actor. VI, et I Tim. V.

Viduus. I, 1204 B, Sed viduis aquis sibi mentiuntur. Viduis scilicet angelo ac Spiritu sancto, ideoque sterilibus. At nostris aquis supervenit Spiritus de coelis, sanctificans eas de semetipso, et ita sanctificatae, vim sanctificandi concipiunt: quare et pariunt, nempe Christianos homines vitae aeternae.

Vigorare. II, 984 A, Effoeminantia magis quam vigorantia disciplinam.

Villicus, proprie qui villae gubernationi praeest, οἰκονόμος. II, 40 B, Neglexerit officium Dei villicus, Christi 1382B vicarius. Notat Paulum.

Villus, est lana. II, 913 A, Aut villum, aut quodlibet filum cerebro superponunt.

Vindicare. I, 889 A, Et ita adversus veritatem vindicatur, i. e. asseritur, significatione forensi.

Virgiliae, seu potius Vergiliae, septem stellae in signo Tauri, inde dictae, quod vel oriuntur in vere circa aequinoctium, vel quod verni temporis ortu suo significationem habeant, quemadmodum Servius annotavit in lib. I Georg.; Cic. de Nat. Deor. lib. II, cap. 44, II, 772 A.

Virginari. II, 907 A, Sed virginari volunt, i. e. virgines haberi volunt.

Virgo. I, 413 A, Virgo continentia, per quam semper manent virgines. I, 413 A, Virgo coelestis est Juno. II, 549 A, Virginis senectae, i. e. qui caelebs permansit usque ad senectutem. II, 960 B, In virgine adhuc saliva. i. e. cum saliva nostra adhuc a cibo et potu intacta, jejuni sumus. II, 782 A, Virgo erat adhuc 1382C terra, nondum opere compressa, etc.

Viriae, armillae quas foeminae in brachiis gestabant. II, 1042 B, Vestigia caestuum viriis occupavit, i. e. loco caestuum armillas induit brachiis. Turneb. vult: Vestigia caestuum viria occupavit.

Virilis. II, 542 A, Simulacrum membri virilis revelatur. Jun. legendum putat, membri viralis, ut sit a vira, i. e. foemina, dictum viralis, sicut virilis a viro. Nam membrum virile fuit Orgiorum, sacrorum Bacchi: virale vero sive muliebre, Eleusiniorum, sacrorum Cereris.

Viriosus. II, 570 A, Et usu viriosa confudit, i. e. magnarum virium, ἰσχυρός, δύνατος, II, 681 B, Et quidem viriosius amplexabitur.

Virtus, donum miraculosum. I, 378 B, Voces eorum itemque virtutes, quas ad fidem divinitatis edebant, de prophetis. II, 41 A, Tot virtutes, ut graec. δύναμις. II, 619 B, Orientis virtutem, id est vires.

Vis. I, 275 A, 276 A, Ne qua vis lateat in occulto, 1382D intelligitur de diabolo.

Visceratio, distributio erat carnis, quae fieri solebat vel in solemni sacrificio, vel in funere excellentis alicujus personae. I, 641 A, Quasi visceratione quadam fruentur, II, 331, B.

Visualitas. II, 699 B, Et nos enim opponemus contrarietates nati et innati, visualitatis et caecitatis.

Vitium. II, 1034 A, Novum vitii mari imbuit, i. e. novum vitium. Jun. mavult nomen vitii. Charybdim significat, quod Vitium Tert. vocat, quoniam sine periculo praeternavigare non licet. I, 47 A, Et unius aeonis vitium: pridem cap. 7. appellavit ἐκτρωμα, abortum.

Vitrum. I, 626 B, Si tanti vitrum, quanti margaritum, proverb. ad significandam ingentem rerum inaequalitatem et distantiam. Hieronym. ad Laetam, 7: Si tanti vitrum, quare non majoris pretii margaritum.

Vivicomburium. II, 648 A, Sed de patibulo et vivicomburio 1383A per omne ingenium crudelitatis exhauriat. II, 706 C, Patibula, vivicomburia.

Vocatus. II, 220 A, Pariter et a vocatu ejus recedit appellationis.

Volatica. II, 1050 A, Qui volaticam spectat. Nonnulli interpretantur de geometria, a vola, qua dimetiuntur geometrae omnia. Salmasius de haruspicio.

Volaticus. I, 1281 A, Temporalia et volatica desideria. II, 1217 A, Idque totum propter unius anni volaticum gaudium.

Volsella, instrumentum ad pilos evellendos. II, 1040 A, Tam furax a mento volsella.

Voluntas. I, 1285 A, Ad sustinendam novissime voluntatem Dei, i. e. judicium accipiendum in die ultimo.

Volutare. I, 1302 B, Simul orant, simul volutantur: sic lib. III adv. Marc.: Manibus caedentibus pectus, et facie humi volutante orationem commendare.

Voratrina. I, 470 A, Nec ingratis voratrinis, sunt 1383B helluones, perditi, gurgites et voragines aeris eleemosynarii, qui in Deum et Ecclesiam et fratres singulos beneficos aeque ac alios ingrati sunt.

Votivus. I, 315 A, Votivis crucibus exposuit. Haverc. ita explicat, Tiberium ex votivis arboribus votivas fecisse cruces, in quibus scelerati isti sacerdotes pulchre pendebant, tanquam anathemata ex voto. Junius hanc appellationem derivat a votis salutaribus, 1384A quae Augustus fecerit. Vid. Sueton. Aug., cap. 97.

Vulnerare. I, 1252 A, Patientia Domini in Malcho vulnerata est.

Vulsinii, Hetruscorum opulentissimi quondam populi, quorum civitas tota fulmine concremata est, II, 1034 B.