Q

1355D

Qua, quia, in quantum. I, 441 A, Sciunt, qua homines, quis et animam, i. e. quia vel in quantum homines sunt, sciunt etiam a quo animam acceperint. Vel ita: sciunt quis illis dederit animam, qua scil. anima homines sunt, et differunt a brutis. I, 483 A, Si qua illic arborum poma conantur, i. e. si quo modo, ut aliqua apud Virgil. pro aliquo modo.

Quaestio. II, 581 A, In praepositionum quaestionibus, i. e. in exagitatione subtili praepositionum; inde ex, per, similiumque exponit atque demonstrat sequentibus. Sed de ea re amplius egit auctor lib. de Praescript., cap. 49. II, 172 C, Si hunc articulum quaestionibus Scripturae veteris non expediam. II, 187 C, Post Philippum et totam substantiam quaestionis istius. II, 307 A, Diligere quaestiones, i. e. toto studio operam dare sanctis illis quaestionibus, de quibus Isaias postea, Καὶ δεῦτε, διελεχθῶμεν.

1356A Quanti, pro quot, ut tanti pro tot. I, 266 A, 281 A, Quanti enim ad malum praeformantur. II, 179 C, Quanta tibi praescribam, i. e. quam multa. II, 253 C, Quanti nequam servi regum nominibus insultant.

Quanto. II, 219 B, Quanto non comparat cui adscribantur, i. e. quanto magis non comp. II, 626 A, Quantoque incredibile, subaud. magis. II, 503 A, Quanto opusculum profligatur breviter, i. e. quo magis prope est, ut hic liber absolvatur, atque ad finem perducatur.

Quantum, quod attinet ad, si spectes. I, 281 A, Quantum interpretatio est. II, 232 B, Quantum proprie pictor, i. e. in quantum.

Quatenus, i. q. quia. II, 226 B, Quatenus hic solorum corporum, etc. II, 176 B, Quatenus ita Scripturae docent, i. e. quoniam, quandoquidem.

Qui. II, 236 B, Sicut facit qui decor, i. e. aliquis decor.

Quicquid, pro quidvis, quidlibet. II, 43 B, Hoc 1356B nomine quidquid emendat.

Quinio. II, 656 A, Invenitur etiam in jure civili graeca quaedam quinionem enixa filiorum. In jure civili, i. e. in jureconsultorum libris, quos ita citare solent etiam veteres grammatici. Plin. H. N. lib. VII, cap. 3. Reperitur et in Peloponneso quinos quater enixa majoremque partem ex omni ejus vixisse partu. Aristot. Ανὰ πέντε γὰρ ἔτεκε, καὶ τὰ πολλὰ αὐτῶν ἐξετράφη. Etenim Peloponnesi non meminit. Sed et Strabo, etiam ex eodem Aristotele aliter narrat, in XV; aliter Gellius in X. Denique Aristoteles ipse, eadem de re alio se loco dixisse commemorat, qui locus hodie non apparet. Gaius lib. I, Fideicommissor., ut refertur L. 3 de Rebus dubiis, et Julianus I, 36, de Solutionib. Idem omnino de Alexandrina muliere tradunt, quod hic Septimius noster de Graeca.

Quinquatria. I, 674 A, Quis ludimagister sine tabula VII idolorum quinquatria tamen frequentabit? Quinquatria dicuntur festi illi dies Minervae sacri, 1356C quorum primo Minervae fiebant sacra, tribus sequentibus munera, quinto denique lustratio. Ovid. Fast. III:

Una dies media est et fiunt sacra Minervae,
Nomina quae a junctis quinque diebus habent.
Erat autem primus istorum dies mense Martio, XIV Cal. April.: ultimus communi appellatione Tubilustria dicebatur: omnes muneribus frequentati, quae Minervalia dicebantur, praesertim quae tirones atque novitii magistris suis in omni genere exhibebant. Ovid. ibidem:

Vos quoque, Phoebea morbos qui pellitis arte.
Munera de vestris pauca referte deae:
Nec vos, turba feri censu fraudata magistri,
Spernite, discipulos attrahit illa novos.
Hae quidem majores Quinquatriae. De minoribus vid. Varro, lib. V. de Ling. lat. et Festus. Sensus est, nullum esse ludimagistrum, qui non habeat in ludo suo sive schola tabulam septem idolorum, hoc est, 1356D septem planetarum, Lunae, Martis, Mercurii, et caeterarum, unde nomina dierum hebdomadis cujusque. Aut si quis reperiatur absque hujusmodi tabula, hunc tamen quinquatria frequentaturum. Quis autem fuerit apud ludimagistros istius tabulae sive laterculi septem dierum usus diligentius inquirere non tanti est. Fortean perscriptum aut significatum illic fuit, quid quaque die discipulis tradi reddive oporteret. Juvenal. Sat. VII:

Nil salit Arcadico juveni, cujus mihi sexta
Quaque die miserum dirus caput Hannibal implet.
Ea die scilicet totius hebdomadis summa colligebatur. Septima die, quies et otium. Ipse Tertull. lib. ad Nationes I, cap. 13: Vos certe estis, qui in laterculum septem dierum Solem recepistis, et ex diebus ipsum praelegistis, quo die lavacrum subtrahatis aut in vesperam differatis, aut otium et prandium curetis.

1357A Quisque, pro quisquis. II, 611 B, Vel quisque ei in haereditate regni successit.

Quo. II, 216 A, Quo illic etiam, per quem omnia fuerit, revelatur, i. e. quod. II, 522 B, Quo nec hic Apostolus, i. e. quapropter. II, 518 B, Quo jam mihi duos deos, i. e. quorsum, ad quid.

Quomodo, quoquo modo, vel quocumque modo. II, 471 B, Sed quomodo Marcionitae volunt credi.