R

Ranunculus. I, 659 A, Ac si stillicidia mellis de ranunculo venenato, i. e. ut si quis favum mellis una cum ranae rubetae pulmonibus exprimat, nam inde confusa veneno mella stillabunt, mella quidem sed venenata. Juvenal. Sat. I:

. . . . . Quae molle calenum
Porrectura viro miscet sitiente rubetum.

Rapere. I, 266 A, Quos rapit; subaud. malum, i. e. qui mala sequuntur ac perversa. I, 1203 A, Quoniam subjecta quaeque materia ejus, quae desuper imminet, 1357B qualitatem rapiat necesse est.

Ratio. I, 278 A, Quaedam ratio aemulae operationis, i. e. quoddam ens operose aemulum. Intelligitur de diabolo, qui invidet Ecclesiae Christi. I, 526 A, Quae ratio universitatem, etc., per rationem intelligenda summi Dei sapientia. II, 122 A, Tormenti ratione, in modum tormenti. II, 143 C, Haec nobis etiam ludicrum in modum certa ratio mandavit, i. e. ratio ipsa nos cogit jubetque, ut istis somniis et nugis illudamus.

Rato. II, 710 A, Nulli enim vitam istam rato fieri nisi universis, quae arguunt eam, expunctis, i. e. nullam vitam ratam haberi, et in rationes referri, nisi omnia absolverit atque perfecerit, quae pertinent ad vitae traducendae modum. Forenses locutiones.

Rebellare. II, 480 D, Quae pax a non rebellato? i. e. in quem nulla commissa rebellio.

Recapitulare, id est, ad initium redigere, vel ab initio recensere. II, 512 C.

1357C Receptum. II, 141 B, Et per singula tabulata coelorum de recepto dispici coeperint. Latin. vult de receptu; Rigalt. vero de praecepto dispici, i. e. inquiri, et examinari an praecepto Christi paruerimus, an fuerimus constantes in confessione nominis Christi coram potestatibus.

Recidivatus. II, 796 A, Certe recidivatum animae corporalem pronuntiaverunt, i. e. restitutionem ex casu. II, 818 A, Quae carnis recidivatum pollicentur. II, 837 C, Recidivatus status judaici. II, 697 A, Samius sophista Platoni auctor est animarum de recidivatu revolabili.

Recidivus, redivivus. II, 261 A, Recidivi anni fidem argumentantur. II, 424 B, Exsuscitatus ad spem aeternae vitae per exempla recidivae, i. e. redivivae, instauratae. Recidiva Servius exponit post casum restituta. Ita Virgil., recidiva Pergama, Aen. IV, 7 et 10. Plin. recidivas febres cum medicis appellavit παλινδρόμους, ἀναπτομένας. II, 810 B, Universa conditio recidiva est, i. e. omnes res creatae de integro restituuntur restauranturque. 1357D II, 690 A, Ipsa post oblivionem recordatio memoria recidiva est. II, 1022 A, Ita moechia de pristino recidiva.

Reciprocare. II, 335 B, Ad caput, id est ad initium reciprocare universa in Christo. II, 78 C, Quam diu per hanc lineam serram reciprocabimus. Vid. Linea.

Reciprocicornis, qui reciproca et obtorta cornua habet, ἑλιξοκέρως, II, 1031 B.

Recogitatus. II, 466 A, In recogitatu mulierum illarum.

Recognoscere, accurate legere. I, 391 A, Dum patimur, legantur, dum recognoscimus, probantur, i. e. fiunt illa omnia interim, dum ista in transcursu legimus; sed, dum accurate legimus, videmus illa praedicta ante jam exitu probari.

Recorporare, in aliud corpus, sive in aliam formam transmutare. II, 804 A, In materiam robustiorem recorporare. II, 837 B, Et recorporari carnis facultatem. 1358A II, 706 C, Nam et qui laboribus atque servitiis puniendi, in asinos utique et mulos recorporabuntur.

Recorporatio, II, 837 C.

Rector. II, 218 A, Arbitrum rectoris invenio sermonem. Cod. Divionens., Arbitrum factoris invenio sermonem.

Recuperatio. II, 1022 C, Post recuperationem et reformationem. Recuperationem hic dicit pro curatione et sanatione, ut supra immunditiam dixit irrecuperabilem.

Recusare, derelinquere. II, 1037 A, Cum squamis et anni recusantur, alii recursantur. II, 336 A, Plane nativitatis mendacium recusasti, i. e. confutasti adductis caussis: forense verbum.

Redanimare. II, 811 B, Nec redanimari, sed reformari existimentur.

Redanimatio, II, 837 C.

Redinvenire. II, 729 A, Sophocles tragicus, somniando redinvenit.

Redire, resolvi. II, 247 A, Liquores ignibus redeunt, 1358B i. e. ne liquores quidem ipsi illic sunt liquidi, nisi ignibus admotis resolvantur in liquorem, glaciati sunt, constricti gelu.

Refectio. II, 798 B, Solvis carnis refectionem cum maxime asserimus, i. e. resurrectionem.

Reficere, reponi. II, 1047 A, Facile sese regit, facile reficit. II, 809 C, Et utique idoneus est reficere, qui fecit.

Refrigerare. I, 704 A, Indigentibus refrigeramus, τοῖς πένησιν ἀναψύχομεν. Hellenismus. Varinus, ἀναψύχω, inquit, τὸ τὸν λειποθυμοῦντα ἐπαναφέρω, ἤ τὸ ἀνάπτω καὶ ἀναλαμβάνω: et ita refrigerium locis quam plurimis.

Refrigerium. II, 708 A, Per sententiam aeternam tam supplicii quam refrigerii.

Refrigescentia. II, 722 A, Sed nec refrigescentiam admittam.

Reformatus. II, 563 A, Aeonum tutelarem reformatum, i. e. reformationem.

Refuga. II, 1309 B, Metalli refuga mutatur, qui a 1358C communi metallorum sorte seipsum eximit, sive, ut Rigalt. vult, quasi damnatus ad metalla inde fugerit.

Regio. II, 235 A, Ab utraque regione, i. e. a loco vel sede utriusque, nimirum boni et mali.

Regula. II, 26 B, Regula fidei. Regulam hic et aliis locis vocat, quod vulgo Apostolorum symbolum vocamus. Κανὼν τῆς ἀληθείας, σωμάτιον τῆς ἀληθείας Irenaeo. II, 197 B, Veritatis regula. II, 157 A, Hanc regulam ab initio Evangelii decucurrisse. II, 254 B, Quia prohibet disposita jam regula summi magni, i. e. posita illa regula, seu jacto fundamento, duo dii esse non poterunt. II, 271 A, Ad regulas perducam, i. e. constringam ordine et loco, quae ad declarandam quaestionem hanc pertinent. II, 272 B, Aliam illi regulam praetendo, i. e. alio argumento in ipsum utor, et regulam veritatis illi explico.

Religio. I, 346 A, Circuit cauponas religio mendicans. Pamel. intelligit de sacerdotibus Cybeles, qui stipem ostiatim exigebant; Haverc. vero de invitatione 1358D publica ad locationem, et laudat verba in lib. ad Nat. I, cap. 10: Negotiatio religione proscribitur, sanctitas locationem mendicat.

Reliquatio. II, 746 B, Nulla erit reliquatio temporum non constitutorum.

Reliquatrix. II, 710 A, Reliquatricem delictorum, i. e. ex rationibus debitricem reliquationis. Sunt enim reliquatores, qui quod alicui debent, ex asse et integro non persolvunt, sed alicujus partis debitores remanent.

Remeabilis. II, 705 C, 706 A, Imo adhuc proxime etiam in corpora remeabilem affirmant.

Remediare, subvenire. II, 52 A, Detractione vel adjectione vel transmutatione remediaremus. II, 447 A, Ideo illos remediatos, sanitati restitutos. I, 703 B, Aut a daemoniis aut valetudinibus remediati sunt.

Remissa, remissio. II, 403 B, Diximus de remissa peccatorum.

1359A Remunerari, passive. I, 502 A, Statuis et salariis remunerantur.

Renidentia. II, 733 B, Et renidentias eorum per quietem, i. e. risus. Nam renidere etiam est τὸ μειδιᾷν in Glossario vetere.

Renuntiare, discedere de loco, quem quis indigne occupaverat. I, 404 A, Sequitur ut falsa renuntietur. II, 395 B, Atque adeo hoc statim renuntiandum est, i. e. declarandum. II, 103 A, Plenius eam de stylo nunc renuntiaturus, i. e. definiturus et declaraturus scripto responso meo. II, 81 B, His igitur exemplis renuntiatum erit, i. e. contra et ex adverso nuntiatum erit. II, 658 A, Aiunt enim et idcirco animam incorporalem renuntiandum.

Renuntiatio. II, 754 B, Renuntiatio ejus dabit legem nostrae resurrectioni, i. e, demonstratio, declaratio enuntiando facta. I, 638 B, Una renuntiatio nostra adversus idololatriam.

Repastinare, propr. refodere pastino seu ferramento bifurco vinitorum. II, 303 C, Ut commissio 1359B injuriae metu vicis statim occursurae repastinaretur. I. 1326 B, Non repastinantes divitiarum vestrarum vel elegantiarum usum. I, 1246 B, Et bisulcum aliquid ferri vel aeris unguibus repastinandis. II, 735 A, Aut repastinet vitis modo (i. e. prout vite facit agricola, eam novellans propagine) vitam, aetate renovata.

Repastinatio, evulsio, recisio, quae propagationi opponitur. II, 921 B, Non sine ratione propagationis in primordio et repastinationis in ultimo.

Repercutere, contra adversarium suo uti argumento, quasi telo, quod repercussum a clypeo jacientem vulnerat, inque eum resultat. I, 488 A, Hoc, inquitis, et in Deum vestrum repercutere est.

Repertrix. II, 394 B, Nec gaudium confert repertrici Ecclesiae.

Repuerascere. II, 544 A, B, Repuerascere nos et Apostolus jubet.

Reputescere. II, 702 B, Ne aliqua sepulturae conditio reputesceret. Vid. Conditio.

1359C Res. II, 1032 A, Sit nunc aliunde res, nunc aliunde argumenta petantur, transeamus ad alia argumenta, aliunde sumpta.

Resculpere. II, 959 C, Nam et primus populus primi hominis resculpserat crimen. Augustin. in Psalm. VI: Dum enim nos convertimus, id est mutatione veteris vitae resculpimus spiritum. Rufinus in eumdem Psalm.: Dum convertimur, id est, dum commutatione veteris vitae resculpimur.

Reserare, frangere et aperire. I, 308 A, Quis cruenta . . . ora judici reseravit, i. e. ferinum illum hominis belluae similis rictum, dentium ordine quasi sera clausum, vi diffractum et opertum, quomodo nondum ad stomachum missae particulae carnis humanae in ore deprehendantur.

Resignare, aperire, effringere. I, 303 A, Ob resignantes cellae vinariae loculos. Sera enim non tantum, sed et sigillo muniebant cellas, in quibus vina et esculenta condebant. II, 782 A. De terra, id est carne, nondum generationi resignata. II, 378 A, Jonathan, 1359D filium Saulis, resignati jejunii culpam deprecatione delesse. Resignatum vocat jejunium infringendum; dederat enim Jonathas occasionem violandi jejunii, cum mel ori suo admovit. II, 849 B, Veteris testamenti resignandi, et novi confirmandi, i. e. explicandi veteris, et novi confirmandi. Nam testamenta aperiebantur resignatione, consignatione stabiliebantur.

Resonare. II, 906 C, Quae publice resonant, signo dato tuba vel tintinnabulo, de horis tribus insignioribus publicis.

Respergere. II, 1001 C, Maculas carnis post baptisma respersae, i. e. rursus sparsae et maculatae, novis scilicet post lavacrum sordibus.

Respondere. II, 233 B, Informem et incultam materiam respondere. In speculo respondere dicitur imago aut res, pro eo quod est praeberi, repraesentari, referri, vel potius spectandam sese exhibere ex adverso. Negat igitur materiam respondere in hoc ornato 1360A mundo, i. e. sui responsum imaginemque exhibere. II, 91 B, Et in alium dominum respondere post Christum, i. e. superveniente nova sponsione se obligare ad officia praestanda domino, qui alius sit a Christo, et aliud ab ipso sentiens jubensque.

Responsio. II, 865 A, Anima enim non lavatione sed responsione sancitur. Responsionem appellat auctor sponsionem, qua nos ipsi vicissim obstringimus gratiam spondenti Domino. Επερώτημα συνειδήσεως ἀγαθῆς appellat Apostolus ex relatorum natura, I Petr. III.

Resuscitari, oriri de stellis. II, 1033 A, Siderum distincta confusio interdum dejicit quid, interdum resuscitat.

Retractare, refellere. I, 280 A, Nemo retractat, nonne ideo bonus, etc., i. e. nemo refellit sermones istos criminantium, dicendo: Vide, ne, etc. II, 549 A, Non aliae erunt, quam quae retractantur. II, 136 C, Nec quisquam retractat. II, 403 B, Sed non statim hac sententia 1360B caeteris retractavimus, i. e. de aliis argumentis hanc sententiam nolumus hoc loco accipi. Retractare saepe est diligenter tractare, et recognoscere. II, 231 B, In praeteritis aliquid retractavimus. I, 1255 B, Quis de bono ejus late retractet, i. e. quis de bono ejus satis unquam dixerit. At in omnibus antiquis exemplaribus legitur quis de bono ejus latere retractet, i. e. quis de bono ejus latere aut reticere apud se cogitet. I, 392 A, est carpere, Fortasse an hoc nomine de statu ejus retractetur. Nam obtrectationis ergo diligenter inquiri sectam dicit Tertullianus.

Retractatus. II, 157 B, Dandus etiam est retractatibus locus, i. e. diligentiori examini et refutationi. II, 248 A, Haereticos sine retractatu doctrinarum revincendos. II, 474 A, Sicut et in evangelii vestri retractatu probatum est. II, 931 B, In generali retractatu.

Retro, olim. II, 246 B, Retro gestum est nobis, πεποίηται ἡμῖν. Hellenism. I, 432 A, qui retro oderant, i. e. qui antehac oderant. Sic saepissime.

Retrosior, qui magis retro, i. e. vetustior, antiquior 1360C est. I, 387 A, Extremissimi tamen eorum non retrosiores deprehenduntur primoribus vestris sapientibus.

Rhetoricari. II, 301 A, Ita nos rhetoricari quoque provocant haeretici, sicut etiam philosophari.

Risiloquium. II, 1245 A, Cum penes insultaturos in risiloquio consistit.

Rivalitas. II, 988 C, Quot rivalitates defendam. Etenim plerique amatores amatas suas ab rivalibus defendunt homicidio, rivalibus vario mortis genere extinctis.

Roboratus. II, 691 A, At quanto roboratior exitus a foeminis revinci quam probari? Latin., Rigalt. et alii leg. ruboratior exitus, non roboratior. Exitum ruboratiorem vocat eventum ex quo plus ruboris ac pudoris incutiatur.

Romanitas. II, 1040 A, Si est romanitas omni salus, etc., i. e. si romanos mores amplecti cunctis populis utile est et gloriosum, quid nunc per studia prorsus inhonesta atque inutilia ad Graecos abitis?

1360D Romphaea, ῥομφαία, gladius. II, 745 A, Nisi quia nullis romphaea paradisi janitrix cedit.

Ructare. I, 413 A, Qui ructando curantur. Haverc. curvantur. De vatibus, qui, ubi per sacrificia et incensiones holocaustorum numen conceperunt, in partus doloribus et ὀδύναις sunt: incurvantur itaque, dum conceptus spiritus per fauces erumpere cupit. II, 815 A, In quem mors aliqua ructarit, i. e. in quem aliquis celeritate veneni correptam animam inter sorbendum cum ructu efflaverit.

Rudis. II, 222 B, Rude illud est, quod imperfectum est.

Ruma, et rumen appellatur in foeminis mamma, in quibusdam vero animantibus eminens pars gutturis, per quam dimissus cibus revocatur, ut ait Servius, sive, ut Nonius, locus in ventre, quo sumitur cibus, et unde redditur. Festus: Rumen est pars colli, qua esca devoratur. II, 800 A, Et rumis alitum.

1361A Rumpere. I, 301 A, Vel adhuc flagra rumpentium, in quorum tergis vestigia recentia exstant disruptorum in caedendo flagellorum; quos lepide hesternos Quirites vocat Persius Sat. III, 106.

Runcare, radicitus evellere, amovere. II, 1035 B, Runcare atque rustare instituit.

Runcina, instrumentum quo opus poliebatur. I, 340 A.

Rupex. incultus, rusticus. II, 1041 A, Ille apud rupicem. I, 404 A, Non qui rupices et adhuc feros homines. II, 655 B, Quid autem facient tot ac tantae animae rupicum et barbarorum.

Russatus. II, 77 A. Et tunc russatus sanguinis sui spe. Tunicae militares erant russatae, φοινικοὶ χιτῶνες. Hic miles factus Christianus, pro tunica russata, sanguinis sui spe, hoc est, sperata martyrii purpura russatus dicitur, russatae militares apud Trebellium, et apud Juvenalem, russatus Lacerta.

Rustare, ruscum seu ruscus sunt rubi et sentes, unde ruscare seu rustare, unde et rustariae falces 1361B sentibus eradicandis paratae. II, 1035 B, Runcare atque rustare instituit, alii legunt ruspare, i. e. quaerere.