ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

I

Quibus Beato Amato Ronconi Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Nolite thesaurizare vobis thesauros in terra » ( Mt 6, 19).

Verus sancti Francisci Assisiensis assecla, ipsius semitam tenuit, in intima

amoris communione cum Crucifixo nec non in studioso famulatu erga eius

languentia membra. Assiduam sic paenitentiae vitam egit atque operam dedit

ut pauperes peregrini domicilium haberent, sibi Evangelii verba assumens.

Beatus Amatus Ronconi circiter anno MCCXXVI in oppido Saludecio Ari-

minensis dioecesis a locupletibus agricolis natus est. Cum puer utrumque

parentem amisisset, una cum sorore Clara a maiore natu Hieronymo fratre

sustentatus est. Licet ipsius uxor eum calumniaretur ac persequeretur, bea-

tus Amatus, Evangelii verborum memor, numquam contradicere voluit et se

tueri, cum abire et paternam domum in monte Orciano petere praeferret.

Illac peregrini transibant, Assisium petituri. Beatus, istorum aegritudine

tactus, domum suam, semper pauperibus patentem, reddidit valetudinarium

vel domicilium tecto carentibus, languentibus et viatoribus. Ipse humiliora

An. et vol. CVIII 5 Februarii 2016 N. 2