650 Acta Apostolicæ Sedis - Commentarium Officiale

Anno 1948 medici in ea stomachi tumoris signa cognoverunt. Hac re

neglecta, Serva Dei operam evangelizationis non intermisit: in pago v. d.

Espinho fundavit institutionem dictam « Patronatus Divinae Providentiae »,

per sesquiannum hanc solidavit deinde laicorum consilio eam commenda-

vit. Eodem anno, una cum mulierum consilio fundavit societatem dictam

« Opera Redemptionis », ad iuvenes mulieres tuendas. Anno 1950 in Portu

Calensi deversorium Sanctae Ritae ad mulierum presidium instituit. Vale-

tudine consumpta sed firmissima fide fulta in oppido Portus Calensis die

2 mensis Novembris anno 1950 mortali e vita excessit.

Fama sanctitatis, a die 6 mensis Iunii anno 1984 ad diem 23 mensis Iunii

anno 1992 iuxta Curiam Portugallensem Inquisitio dioecesana celebrata est,

cuius iuridica validitas ab hac Congregatone de Causis Sanctorum per De-

cretum diei 22 mensis Octobris anno 1993 est approbata. Exarata Positione

disceptatum est secundum normas an Serva Dei virtutes heroicum in modum

excoluisset. Positivo cum exitu, die 4 mensis Octobris anno 2011 Congressus

Peculiaris Consultorum Theologorum habitus est. Patres Cardinales et Epis-

copi in Sessione Ordinaria se congregaverunt die 8 mensis Ianuarii anno

2013, me Angelo Cardinale Amato praesidente, et agnoverunt Servam Dei

virtutes theologales, cardinales et adnexas heroicum in gradum excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Temperan-

tia et Fortitudine, iisque adnexis, in gradu heroico, Servae Dei Silviae Cardoso

Ferreira da Silva, Christifidelis Laicae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Martii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis