662 Acta Apostolicæ Sedis - Commentarium Officiale

Die 10 mensis Aprilis anno 2013, Congressus Peculiaris Consultorum

Theologorum prospero cum exitu factus est ac, die 2 mensis Iulii eiusdem

anni, acta est Sessio Ordinaria Patrum Cardinalium et Episcoporum, cui

egomet ipse Angelus Cardinalis Amato praefui; et in utroque coetu sive

Consultorum sive Cardinalium et Episcoporum, posito dubio an de miraculo

divinitus patrato constaret, responsum affirmativum prolatum est.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Beati

Ioannis Pauli II (Carolus Iosephus Wojtyła), Summi Pontificis, videlicet de

celeri, perfecta ac constanti sanatione cuiusdam dominae ab « aneurisma

fusiforme dell'arteria cerebrale media destra con emorragia subaracnoidea,

con restitutio ad integrum della parete vasale ».

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Iulii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis