Congregatio de Causis Sanctorum 657

MATRITENSIS

Beatificationis seu Declarationis Martyrii Servarum Dei Mariae Assumptae (in

saec.: Iulianae González Trujillano) et II Sociarum Religiosarum Professarum

Missionariarum Franciscalium a Matre Divini Pastoris († 1936)

DECRETUM SUPER MARTYRIO

« Iesus pro gaudio sibi proposito sustinuit crucem, confusione contempta,

atque in dextera throni Dei sedet. Recogitate enim eum, qui talem sustinu-

it a peccatoribus adversum semetipsum contradictionem, ut ne fatigemini

animis vestris deficientes » ( Hebr 12, 2-4).

Serva Dei Maria Assumpta eiusque Sociae Elisabeth et Gertrudis, Reli-

giosae professae ex Instituto Matritensi Sororum Sancti Francisci Missiona-

riarum a Matre Divini Pastoris, sincere ac benigne Apostoli adhortationem

adhibuerunt quae, enim, extremo probationis tempore, salutis minime spe

abiecta, Christi eiusque Ecclesiae summopere dederunt testimonium atque

infaustis in persecutionis religiosae illius adiunctis acerrimis civili belli ac-

tibus devinctae, quod in Hispania inter annos 1936 et 1939 grassatum est,

sanguinem fuderunt.

Nam, rege in exsilium eiecto ac Republica in Hispania renuntiata, quam-

vis Ecclesia in novo illo gubernationis regimine fovendo promptam revera

sese praebuisset, vix mense post tamen asseclae peculiarium opinionum,

quae omnem singulorum proprietatem maxime denegabant summamque

rei publicae licentiam fovebant, secretae massonum societati adhaerentes

vehementem religiosorum laicorumque irritarunt vexationem. Rerum poli-

ticarum civiliumque adiuncta exceptionibus in dies asperioribus usque in

flagitium adeo incruduerunt, ut acta contra christifideles atque Ecclesiam

citius multiplicarentur et immani contentionis erga opera hominesque fe-

rocia viderentur suffulta. Peculiarem propter gravitatem suam inter urbes

Hispaniae, Matritum presbyterorum, religiosorum laicorumque improbissi-

mae caedis summatim commissae fuit locus.

E quibus martyrio suo eminent Servae Dei hae Sorores Sancti Franci-

sci Missionariae a Matre Divini Pastoris, quarum vita et opera brevi, qui

sequitur, indiculo perstringitur: