Congregatio de Causis Sanctorum 653

Nocte inter dies 2 e 3 mensis Augusti Comitatus Centralis Militiarum

Barcinonensis mandatum diffudit omnes captivos tradendi. Comitatus Loca-

lis ergo tres tradere aliosque emittere statuit. Ad sacrificium selecti fuerunt

Reverendus Iosephus Guardiet et Domini Grau et Moliner, quibus dictum

est eos ad percontationem deferri. Cum in locum vulgo Pi Bessó nuncupa-

tum in colle Rabassada pervenerunt vico Sancti Cucuphatis vix superato

super viam quae ad Barcinonem ducit, e vehiculo iussi sunt descendere.

Tunc Reverendus Iosephus pro sociis intercessit sese tamquam victimam

offerens unam, una autem omnes interempti sunt. Ille mactatoribus ignos-

cens mortuus esse dicitur.

Ob fundatam ac vulgatam martyrii Servi Dei famam, apud Curiam Ar-

chiepiscopalem Barcinonensem inter annos 1992 et 1994 Inquisitio dioece-

sana celebrata est, cuius auctoritas et vis iuridica ab hac Congregatione

de Causis Sanctorum Decreto diei 21 mensis Ianuarii anno 1999 probatae

sunt. Positione confecta, iuxta suetum morem, die 11 mensis Aprilis anno

2013, Congressus Peculiaris Consultorum Theologorum factus est, in quo

prospero cum exitu disceptatum est an Servi Dei mors verum martyrium

fuisset. Patres Cardinales et Episcopi in Sessione Ordinaria die 2 mensis

Iulii anno 2013 habita, cui egomet ipse, Angelus Cardinalis Amato praefui,

agnoverunt supradictum Servum Dei ob fidelitatem erga Christum et Ec-

clesiam confessam verum in odium fidei martyrium passum esse.

De hisce omnibus rebus, referente subscripto Cardinale Praefecto, cer-

tior factus, Summus Pontifex Franciscus, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servi Dei Iosephi Guardiet Pujol, Sacerdotis Dioece-

sani, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Iulii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis