Congregatio de Causis Sanctorum 651

BARCINONENSIS

Beatificationis seu Declarationis Martyrii Servi Dei Iosephi Guardiet Pujol Sa- cerdotis Dioecesani († 1936)

DECRETUM SUPER MARTYRIO

« Contemplans communionem Christi cum Patre, tempore etiam sum-

mi doloris in cruce (cf. Mc 15, 34), christianus discit intuitum ipsius Iesu

participare. Quin immo mors illuminatur et vivi potest tamquam ultima

fidei vocatio, ultimum mandatum: " Egredere de terra tua" ( Gen 12, 1), illud

extremum « Veni!» pronuntiatum a Patre, cui nos committimus confidentes,

ut Ipse nos saldos efficiat in novissimo quoque transitu » (Summus Pontifex

Franciscus, Litterae Encyclicae Lumen fidei, n. 56, AAS vol. CV, 593).

Haec verba egregie illustrant quomodo fides vis fuerit, quae passionem

et navitatem vitae sustinuit Servi Dei Iosephi Guardiet Pujol. Nam, ei, sicuti

innumeris aliis christifidelibus persecutionem contra religionem patientibus

quae Ecclesiam in Hispania dimidia fere quarta vicesimi saeculi decade

acriter vexavit, martyrium culmen fuit ultimae illius vocationis fidei, quam

renuntiavit Pater. 'Egredere de terra tua' et 'Veni' illa, enim, vocatio sunt,

quae ipse sibi pronuntiaverat antequam parochi loci Rubí susciperet offi-

cium: « Rubí, Rubí, quis pro te sanguinem suum offerre valeret? Ego autem

apostolicum hoc afflatum sentio ».

Servus Dei in vico Manlleu, intra fines dioecesis Vicensis in Hispania,

die 21 mensis Iunii anno 1879, tertius ex filiis Ioannis Guardiet et Mariae

Dolorosae Pujol coniugum, natus est e familia christiana pietate funditus

informata atque ab omnibus illius territorii valde dilecta ac probata inco-

lis. Puer in ipso vico natali scholam apud Collegium Fratrum Doctrinae

Christianae frequentavit. Cursum dein ad academicum gradum baccalau-

reatus obtinendum tamquam alumnus externus Seminarii Vicensis obiit. Quo

consecuto titulo, exercitia spiritualia patravit et, vocatione ad sacerdotium

clare percepta, Seminarium Vicense ingressus est, ut studia ecclesiastica

perficeret, ac doctoratum exinde in Sacra Theologia apud Universitatem

Pontificiam Tarraconensem adeptus.

Die 15 mensis Martii anno 1902, Barcinone presbyteratu auctus est. Iam

antea vero ad Episcopi Iosephi Morgades postulatum dioecesi Barcinonensi

sese adscripserat et inter annos 1902 et 1905 vicarius deinceps fuit apud