670 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

CONCHENSIS IN HISPANIA

Beatificationis seu Declarationis Martyrii Servorum Dei Iosephi Xaverii Goros- terratzu et V Sociorum e Congregatione Sanctissimi Redemptoris († 1936-1938)

DECRETUM SUPER MARTYRIO

« Martyres sive propter vulnera innumera, quae pro Iesu Christo passi

sunt, a nobis amantur sive etiam ut animum nostrum ad fortitudinem pro

ipso patiendi referamus. Si ergo martyres compassionem et amorem eme-

rent, quia innocentes et sancti, eo magis nobis compatiendus et amandus

Iesus Christus, qui sanctitas et innocentia ipsa erat et mortuus est super

miserum lignum, ut, quas commisimus, satisfaceret culpis » (cf. S. Alphonsus

Maria de' Liguori, Opera, IV, Augustae Taurinorum, 1880, p. 646).

Haec Doctoris Zelantissimi adhortatio, ut in plenitudine benignitatis

cum amore congruamus, quem Iesus Christus obtulit hominibus usque ad

cruentam mortem Crucis, omnem eius missionalem navitatem et scripta

intinxit et cardo est Congregationis Sanctissimi Redemptoris gratiae, fa-

miliae scilicet religiosae, quam ipse pro alto huius salutaris amoris erga

derelictissimos intellectu enuntiando fundavit. In eo praecipuum Servorum

Dei testimonium admodum intellegi potest, qui, cruenta persecutione contra

religionem in Hispania dimidia quarta vicesimi saeculi decade grassante,

pericula tormentaque et impares calumnias fortiter usque ad effusioniem

sanguinis oppetentes exemplum suum praebuerunt perfectae adhaesionis

Christo crucifixo.

Huius agminis martyrum e communitate conchensi Congregationis Sanc-

tissimi Redemptoris caput est Pater Iosephus Xaverius Gorosterratzu Jau-

narena, qui die 7 mensis Augusti anno 1877 in vico Urroz in Navarra, intra