666 Acta Apostolicæ Sedis - Commentarium Officiale

ACTA BENEDICTI XVI PP.

LITTERAE APOSTOLICAE

Venerabili Servo Dei Gabrieli Mariae Allegra Beatorum honores decernuntur.

BENEDICTUS PP. XVI

Ad perpetuam rei memoriam. - « Da mihi, quaeso, Pater, Scripturarum intelligentiam, (...) fac ut per eas intelligam divinam paedagogiam, qua tu

non tantum unum populum, sed universum humanum genus ad Te adque

tuum Christum conducis ».

Ita precabatur Venerabilis Servus Dei Gabriel Maria Allegra, qui totam

suam vitam studio Sacrarum Scripturarum dicavit. Mysterio Verbi Incarnati

attractus, illud amanter contemplabatur magis quam aliam quamlibet veri-

tatem, eiusque discipulus et apostolus verbo et exemplo effectus.

Venerabilis Servus Dei natus est die XXVI mensis Decembris anno MCMVII

in pago S. Giovanni La Punta, archidioecesis Catanensis, ex familia pau-

pere at fide catholica solida divite. Die V mensis Ianuarii insequentis anni

in fonte baptismali est regeneratus atque Ioannes Stephanus appellatus.

Chrismatis sacramentum die XXIV mensis Decembris anno MCMXVI suscepit.

Undecim annos natus ingressus est Collegium Fratrum Minorum in urbe.

Completo anno novitiatus in loco Bronte, prima vota religiosa anno MCMXXIV

nuncupavit. Anno MCMXXVIII, cum alumnus esset theologiae apud Collegium

Internationale Sancti Antonii Romae, novit Ecclesiae catholicae in Sinis

completam deesse conversionem Veteris Testamenti. Hac notitia percussus,

decrevit se illud arduum opus « Biblia » in linguam Sinensem convertendi

perfecturum, ut huic populo offerret « gaudium legendi in proprio sermone

epistulam quam de caelis iis Pater caelestis miserat ».

Die XXV mensis Augusti anno MCMXXIX emisit vota sollemnia, ac die XX

mensis Iulii anno MCMXXX suscepit ordinationem presbyteralem. Demum