668 Acta Apostolicæ Sedis - Commentarium Officiale

cessus rogatoriales Taipe, Cataniae et Romae. Quorum validitas iuridica

agnita est per Decretum Congregationis de Causis Sanctorum die XXVII men-

sis Martii anno MCMLXXXVII datum. Deinde die X mensis Maii anno MCMXCIV

celebratus est Congressus peculiaris Consultorum theologorum, positivo

cum exitu. Patres Cardinales et Episcopi in Sessione Ordinaria adstantes

die IV mensis Octobris anno MCMXCIV confirmaverunt Servum Dei virtutes

theologales, cardinales iisque adnexas heroico in gradu exercuisse. Die XV

mensis Decembris eiusdem anni Decessor Noster beatus Ioannes Paulus II

Decretum de virtutibus heroicis promulgavit.

Excussa est deinde quaedam mira asserta sanatio, quae scientifice inex-

plicabilis iudicata est a Consultoribus medicis memoratae Congregationis

die XXVIII mensis Iunii anno MMI. Consultores Theologi in Congressu die

XXII mensis Ianuarii anno MMII habito huiusmodi sanationem intercessioni

Venerabilis Servi Dei tribuerunt. Patres Cardinales et Episcopi in Sessio-

ne Ordinaria, die V subsequentis mensis Martii, miram hanc sanationem

iudicaverunt divinitus patratam. Quare memoratus Decessor Noster beatus

Ioannes Paulus II Congregationi de Causis Sanctorum facultatem fecit ut

Decretum super miro ederet die XXIII mensis Aprilis anno MMII. Nos Ipsi

vero statuimus ut ritus beatificationis Iacae Regali in Sicilia die XXIX mensis

Septembris anno MMXII perageretur.

Hodie igitur de mandato Nostro Venerabilis Frater Noster Angelus S.R.E.

Cardinalis Amato, S.D.B., Praefectus Congregationis de Causis Sanctorum,

textum Litterarum Apostolicarum legit, quibus Nos Venerabilem Servum

Dei Gabrielem Mariam Allegra in Beatorum numerum adscribimus:

Nos, vota Fratris Nostri Antonini Raspanti, Episcopi Iaciensis, necnon

plurimorum aliorum Fratrum in Episcopatu multorumque christifidelium

explentes, de Congregationis de Causis Sanctorum consulto, auctoritate Nos-

tra Apostolica facultatem facimus ut Venerabilis Servus Dei Gabriel Maria

Allegra, presbyter ex Ordine Fratrum Minorum, humilis discipulus Divinae

Sapientiae, fidelis Sacrarum Scripturarum apostolus, actuosus missionarius

in Terris Orientis, Beati nomine in posterum appelletur, eiusque festum die

vicesima sexta mensis Ianuarii, qua in caelum ortus est, quotannis celebrari

possit. In nomine Patris et Filii et Spiritus Sancti.