672 Acta Apostolicæ Sedis - Commentarium Officiale

die 27 mensis Septembris anno 1925, presbyteratu auctus. Licet infirma

esset valetudine et animo verecundo, validum indefessumque se praebuit

in missionibus ad populum Evangelii praeconem. Die 31 mensis Iulii anno

1936, ab armigeris seditiosis arreptus est et plumbis transfossus, una cum

Patre Cyriaco Olarte Pérez multas horas spiritum trahens usque ad mortem

derelictus.

Frater Victorianus (Victor) Calvo Lozano in vico Horche prope Guada-

laiaram intra fines archidioecesis Toletanae die 23 mensis Decembris anno

1896 natus est. Dum vicesimum quartum aetatis agebat annum, contra per-

vicaciam familiae Congregationem Sanctissimi Redemptoris ingressus est et

anno 1920 vota religiosa fratris coadiutoris emisit. Communitati conchensi

addictus, sacrarii custodis atque ostiarii muneribus functus est. Die 10 mensis

Augusti anno 1936, una cum Superiore communitatis, Patre Iosepho Xaverio

Gorosterratzu, ab armigeris seditiosis arreptus est et prope coemeterium

Conchense plumbis transfossus.

Pater Petrus Romero in vico Pancorbo intra fines dioecesis et Provin-

ciae Burgensis die 28 mensis Aprilis anno 1871 natus est. Congregationem

Sanctissimi Redemptoris ingressus, anno 1890 vota religiosa professus est

et, die 29 mensis Februarii anno 1896, presbyteratu auctus. Bello civili

ineunte, ei opus fuit communitatem religiosam deserere et apud familiam

quamdam confugere, stipem per vias civitatis quaeritare selegens, ut perse-

cutores effugeret et ministerium exercere perseveraret. Pluries ab armigeris

seditiosis arreptus, mense Iunii anno 1938 in carcerem coniectus est, ubi

die 4 mensis Iulii inedia correptus occubuit.

Super horum sex Servorum Dei caedem, quorum fama martyrii in

communitatem ecclesialem admodum incessit, apud Curiam Episcopalem

Conchensem in Hispania inter annos 1962 et 1966 Processus Informativus

celebratus est, cuius auctoritas et vis iuridica a Congregatione de Causis

Sanctorum Decreto diei 26 mensis Martii anno 2000 probatae sunt. Positione

confecta, iuxta suetum morem, die 11 mensis Iunii anno 2011, Congressus

Peculiaris Consultorum Theologorum factus est, in quo prospero cum exitu

disceptatum est an Servorum Dei mors verum martyrium fuisse. Patres

Cardinales et Episcopi in Sessione Ordinaria die 6 mensis Novembris anno

2012 habita, cui egomet ipse, Angelus Cardinalis Amato praefui, agnoverunt