Acta Francisci Pp. 621

LITTERAE APOSTOLICAE

I

Venerabilibus Servis Dei Emmanueli Basulto Jiménez, episcopo Giennensi, et V Sociis, martyribus, Beatorum honores decernuntur.

FRANCISCUS PP.

Ad perpetuam rei memoriam. - « Inveni, quem diligit anima mea; tenui eum nec dimittam » ( Ct 3, 4).

Ecclesia non cessat amorem cantare quo suo Sponso se coniungit, suis

filiis suadens ut communionem cum Deo supra omnia quaerant iisque exem-

plar martyrum significans qui amorem Christi morte fortiorem considerave-

runt. Itaque martyres vivum testimonium sunt magisterii Concilii Vaticani

II: « Deus enim hominem vocavit et vocat ut Ei in perpetua incorruptibilis

vitae divinae communione tota sua natura adhaereat » ( Gaudium et spes, 18).

Hi sex martyres fidei confessionem manifestant qua dioecesana Ecclesia

Giennensis respondit terribili temptationi persecutionem religiosam sequen-

ti, quae his in regionibus, tam antiquae ac venerandae christianae memoriae,

tot victimas tulit.

1. Emmanuel Basulto Jiménez, Episcopus Giennensis, natus est in loco

Adanero (dioecesis Abulensis) die XVII mensis Maii anno MDCCCLXIX. Primis diebus

persecutionis recusavit de urbe Giennensi fugere. In episcopali habitatione reclu-

sus, die II mensis Augusti anno MCMXXXVI comprehensus est in propria ecclesia

Cathedrali. Occisus est die XII mensis Augusti in loco Vallecas, prope Matritum,

una cum pluribus decuriis captivorum, qui funeste celebri Hamaxosticho Mortis

vehebantur. Ipse iugiter patuit, usque ad exitum, uti imago Boni Pastoris inter

populum suum patientem.

2. Felix Pérez Portela, presbyter dioecesanus, Vicarius Generalis Giennen-

sis, natus est in loco Adanero (dioecesis Abulensis) die XXI mensis Februarii anno

MDCCCXCV. Indole benigna ornatus, spiritu altae et rectae fidei, paratus fuit ad

sacrificium et renuntiationem, de quo totam per vitam suam testificationes cons-