622 Acta Apostolicæ Sedis - Commentarium Officiale

tantes perhibuit. In custodia et martyrio noluit ab Episcopo suo umquam sepa-

rari. Una cum ipso interfectus est die XII mensis Augusti anno MCMXXXVI in loco

Vallecas, prope Matritum.

3. Franciscus Solís Pedrajas, presbyter dioecesanus, die IX mensis Iulii anno

MDCCCLXXVII in loco Marmolejo natus est. Fuit parochus loci Mancha Real in dioe-

cesi Giennensi. Cum apostolico fervore exercuit ministerium sacerdotale. Primis

diebus religiosae persecutionis in Hispania apprehensus est et sub custodia posi-

tus in ecclesia Cathedrali Giennensi, ubi octo menses transegit, socios in vinculis

consolans et confortans. Die IV Aprilis anno MCMXXXVII una cum aliis vinctis in

coemeterium loci Mancha Real conductus est ibidemque occisus. Hoc supremo

momento ipse cantum sacrum praecinuit, omnibus animum addens ad martyrium

patiendum.

4. Franciscus de Paola López Navarrete, presbyter dioecesanus, die II mensis

Martii anno MDCCCXCII in Villanueva del Arzobispo natus est. Fuit parochus loci

Orcera in dioecesi Giennensi. Iam in vita propter spiritum orationis, sacerdota-

lem zelum, bonitatem spiritumque caritatis erga pauperiores peculiari sanctitatis

fama eminuit. Dum domi sui patris convalescebat, correptus est et monitus ut

imagines sacras delendas traderet. Renuit declarans se unam tantum vitam habe-

re, eamque debere Deo. Interfectus est die XXVIII mensis Augusti anno MCMXXXVI

in loco Beas de Segura, dum clamabat: Vivat Christus Rex!

5. Emmanuel Aranda Espejo, Seminarii alumnus, die XXII mensis Martii

anno MCMXVI in loco Monte Lope Álvarez natus est in familia agricolarum, catholi-

ca ac devota, in qua fidem accepit vocationemque sensit ad sacerdotium. Etiamsi

tempus Ecclesiae esset inclemens, ingressus est Seminarium firmiterque progres-

sus est hoc in itinere. Aestivo tempore, dum paternae domi vacabat, comprehen-

sus est ac detentus in quadam cappella. Cum recusaret blasphemare aliave opera

contra religionem suam perficere, interfectus est in loco Martos die VIII mensis

Augusti anno MCMXXXVI.

6. Iosephus Maria Poyatos Ruiz, iuvenis laicus, die XX mensis Octobris anno

MCMXIV in loco Vilches natus est. Associationibus Actionis Catholicae et Adora-

tionis Nocturnae nomen dedit. Alta devotione eucharistica vitaeque probitate in

opere explendo valde eminuit. Exclusus propter suam fidem catholicam, quam