648 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

PORTUGALLENSIS

Beatificationis et Canonizationis Servae Dei Silviae Cardoso Ferreira da Silva

Christifidelis Laicae (1882-1950)

DECRETUM SUPER VIRTUTIBUS

« Concupiscit et deficit anima mea in atria Domini. Cor meum et caro

mea exultaverunt in Deum vivum » ( Ps 84, 3).

Serva Dei Silvia Cardoso Ferreira da Silva, corde suo divinitatis mysterio

immerso, in viam sanctitatis processit et pro bono Ecclesiae et societatis

multiplicem variumque apostolatum exercuit.

Fervens Christifidelis laica in pago v. d. Paços de Ferreira non longe a

Lusitaniae Portu Calensi die 6 mensis Iulii anno 1882 ex familia satis diviti

et maxime catholica orta est. Insequenti anno, una cum parentibus in Bra-

siliam profecta est, ubi usque ad annum 1889 commorata, postea familia in

patriam rediit. Iam ab adulescentia Serva Dei studium orationis et curae erga

proximos potissimum in egentiores ostendit. Anno 1912, familiari commodo,

consobrino atheo desponderi debuit, qui autem ad Dei cultum converso,

ex improviso mortuus est, suae sponsae omnia bona et possessiones suas

relinquens. Hinc etiam patrimonio fulta, Serva Dei vehementiorem reddit

operam caritatis in pauperes et aegrotos, eo ut contagione morbi Hispanici

corriperetur. Anno 1917, intercurrente pietatis exercitio, votum perpetuae

castitatis emisit. Memor multorum fructuum, quos ex spiritulalitatis exercitio

consecuta est, quod et laicis res magni momenti esse spiritualitatis exercitia

intellexit. Hac re anno 1923 in pago v. d. Sequeiros prope Portum Calen-

sem primam domum pro laicorum exercitiis spiritualibus fundavit duobus

post annis recepta est in « Societate Servorum Iesu », quae erat consociatio