658 Acta Apostolicæ Sedis - Commentarium Officiale

Maria Assumpta González Trujillano (in saec.: Iuliana) die 19 mensis

Iunii anno 1881 in loco El Barco prope Abulam nata est. Die 18 mensis

Februarii anno 1903 novitiatum ingressa est et, anno 1905, professionem

temporaneam emisit, Sororis Mariae Assumptae sumens nomen. Votis per-

petuis anno 1910 professis, probatissima in diversis communitatibus fuit

magistra. Ultimum tempus vitae in Domo Generali Matritensi vixit, ubi

sacristae et oeconomae ei commissa sunt officia.

Elisabeth Remiñán Carracedo (in saec.: Maria a Consolatione) die 17

mensis Iunii anno 1876 in loco Seavia de Coristanco prope Cruniam nata

est. Die 19 mensis Novembris anno 1905 novitiatum ingressa, biennio post,

die 12 mensis Decembris anno 1907 vota temporanea emisit, anno 1912

perpetua.

Gertrudis Llamazares Fernández (in saec.: Dorothea) die 6 mensis Fe-

bruarii anno 1870 in vico Cerezales prope Legionem nata est. Anno 1896

novitiatum ingressa est.

Cum hispanicarum urbium caput illud tantis crudelis saevaeque coer-

citionis umbris obnubilari incepit, Soror Maria Assumpta, Domo Generali

relicta, apud sedem exterae cuiusdam legationis elabi contendit, sed in

itinere recognita arrepta est et, in carcerem « checa de Fomento » ducta,

interempta.

Eodem fato aliae duae usae sunt Sorores Mariae Assumptae sociae: Eli-

sabetham, enim, quae propter morbum faciei in valetudinario recepta erat,

armigeri seditiosi abstulerunt et die 6 mensis Augusti anno 1936 crudeliter

enecuerunt; Gertrudem, quae mense Iulii anno 1936 apud domum amicorum

quorundam confugerat, die 13 mensis Augusti una cum presbytero et alia

muliere arrepta est et, sicut videtur, eodem die perempta.

Servae Dei tantum propter christifidelium et religiosarum statum suum

plumbis transfossae sunt. Licet fidem suam testimonium satis esse ad mor-

tem omnino consciae essent, omnes, tamen, qui extremarum horarum de

visu fuerunt testes, earum aequitatem animi, remissionem et fortitudinem

in vexatione una voce collaudant. Amor Christi enim et fidelitas erga pro-

fessionem religiosam numquam illis defecerunt; sed in opiniones omni hu-

manitatis adfectui infensas oppetendas vi compulsae et se Christum super