Acta Congregationum 659

viam crucis sequi velle fìrmiter fretae, nullam coram carnificibus ostenderunt

dubitationem, cum indefessa in corde earum voluntatis Dei esset fiducia.

Super harum Servarum Dei martyrium, cuius fama in communitatem

ecclesialem admodum incessit, apud Curiam Archiepiscopalem Matritensem

a die 27 mensis Septembris anno 1999 ad diem 15 mensis Octobris anno

2000 Inquisitio dioecesana celebrata est, quam Inquisitio Rogatorialis apud

Curiam Episcopalem Auriensem die 7 mensis Februarii anno 2000 inita se-

cuta est, quarum auctoritas et vis iuridica a Congregatione de Causis Sanc-

torum Decreto diei 25 mensis Ianuarii anno 2002 probatae sunt. Positione

confecta, iuxta suetum morem, die 8 mensis Ianuarii anno 2013, Congressus

Peculiaris Consultorum Theologorum factus est, in quo prospero cum exitu

disceptatum est an Servarum Dei mors verum martyrium fuisse. Patres

Cardinales et Episcopi in Sessione Ordinaria die 18 mensis Iunii anno 2013

habita, cui egomet ipse, Angelus Cardinalis Amato praefui, agnoverunt su-

pradictas Servas Dei ob fidelitatem erga Christum et Ecclesiam confessam

verum in odium fidei martyrium passos esse.

De hisce omnibus rebus, referente subscripto Cardinale Praefecto, certior

factus, Summus Pontifex Franciscus, vota Congregationis de Causis Sancto-

rum excipiens rataque habens, hodierno die declaravit: Constare de martyrio

eiusque causa Servarum Dei Mariae Assumptae (in saec.: Iulianae González

Trujillano) et II Sociarum, Religiosarum Professarum Missionariarum Fran-

ciscalium a Matre Divini Pastoris, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Iulii a. D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis