Acta Congregationum 661

recruduerunt, ut cruciatus permolesti fierent. Ex clinicis inquisitionibus

sedulo peractis sanguinis effluvium detectum est et coniectum aneurysma

revelatum: itaque in nosocomium advecta est infirma, cuius valetudo semper

gravior et curae adusque irritae videbantur. Praeterea, medici quamlibet

chirugicam sectionem excluserunt, quam insidiosissimam atque infestam

habebant. Praevidebatur enim immobilitas physica ac prognosis quoad ip-

sam vitam infausta, nam minima quoque fatigatio eam in mortis discrimen

adducere posset.

His in asperrimis aerumnis, infirma ad divinum confugere statuit au-

xilium per Beati Ioannis Pauli II intercessionem, cuius imago in diversis

domesticis aedibus conspiciebatur, sanationis impetrans donum. Maritus

eius, qui anno 1983 inter custodes Beati Summi Pontificis in itinere ad

nationem Costaricensem, eum comitatus est, una cum propinquis et amicis

tantis orationibus se adiunxit. Interdum, dies Summi Pontificis beatificatio-

nis, cuius ritum, dum in Urbe celebrabatur, infirma televisionis ope parti-

cipavit. Sancta Missa expleta, mulier obdormivit. Et sequenti die 2 mensis

Maii anno 2011, simul ac experrecta est, Ioannis Pauli II denuo spectata

imagine, corpore animoque adeo inenarrabiliter convaluit, ut e lecto sur-

gere, ad culinam incedere et ientaculum viro apparare potuerit. Facultates

neurologicae et physiologicae resipuerunt atque, nullo perseverante damno,

in integrum sunt restitutae: mulier enim, repente convaluit, propinquis et

medicis, qui postea visitaverunt eam, obstupescentibus ob hanc extraordi-

nariam valetudinis restitutionem.

Congruentia temporis clarissime patuit, sicut et nexus inter invocatio-

nem Beati et sanationem dominae, quae exinde optima gaudet valetudine

normalesque vitae consuetudines gerit.

De hac mira habita sanatione apud Tribunal Curiae Archiepiscopalis

Sancti Iosephi in Costarica a die 20 mensis Novembris ad diem 2 mensis

Decembris anno 2012 Inquisitio dioecesana habita est, cuius auctoritas et

vis iuridica a Congregatione de Causis Sanctorum Decreto diei 12 mensis

Februarii anno 2013 probatae sunt.

Acta dein collecta examini et iudicio Collegii Medicorum Dicasterii su-

biecta sunt, quod in Sessione diei 28 mensis Februarii anno 2013 sanatio-

nem celerem, completam et duraturam, necnon inexplicabilem secundum

hodiernam scientiam medicam fuisse affirmavit.