654 Acta Apostolicæ Sedis - Commentarium Officiale

MEDIOLANENSIS

Beatificationis et Canonizationis Servi Dei Iosephi Lazzati Laici consecrati (1909-

1986)

DECRETUM SUPER VIRTUTIBUS

« Crux est schola omnium virtutum; paupertatis, humilitatis, cupiditatum

refrenationis, poenitentiae, fortitudinis, uno verbo, caritatis, quae omnis

virtutis radix est et corona ».

Haec verba decerpta sunt a quadam epistula scripta a Servo Dei Iosepho

Lazzati, cum in loco publicae custodiae pagi dicti Oberlangen die 7 mensis

Aprilis anno 1944, in festu Domini Passionis, detinebatur. Ab istis verbis

facile Servi Dei spirituale iter ad christianam perfectionem intellegitur.

Hic Servus Dei Mediolani die 22 mensis Iunii anno 1909 ortus est.

Firmissima fide e familia institutus, anno 1921 ascripsit se in Studentium

Consociationem Sancti Stanislai, quae autem fuit ei magni momenti ad

humanam et christianam educationem constituendam. In illo eo magis ins-

tantissima facta est necessitas et desiderium vocationis ad sanctitatem, quae

animo suo consentanea vitae solutio cum recte adhibita fide videbatur. Anno

1931 doctor Christianarum Antiquarum Litterarum renuntiatus est et eodem

anno nominatus adiutor in Universitate. Postea vocaverunt eum ut ille in

Foederatione Ambrosiana Iuvenum Catholicorum interesset et anno 1931,

cum exercitia spiritualia ageret, exoptavit se caelebem vitam degere omnino

Domino in mundo devovens se. Anno 1938 primus inter amicorum coetum

sodalitium laicorum consecratorum fundavit, qui nuncupabantur « Milites

Christi » et deinde Institutum Saeculare « Christus Rex ». Anno 1934 dioece-

sanus presidens Foederationis Catholicae Iuventutis electus est.

Istis annis ferventis industriae, Servus Dei valde meditatus est de lai-

corum munere in Ecclesia et in mundo et nixus est ut in re saeculari

clara praesentia Christiana utiliter fieret. Eius fides constanti adsidebatur

ac alebatur studio theologico, quod praeter Patrum doctrinam, praecipue

in mente Thomae Aquinatis aliorumque christianorum eruditorum fultum

est etiam quoad doctrinam politicam secundum pricipium suum: hominem

humanitate informare.