656 Acta Apostolicæ Sedis - Commentarium Officiale

rector quinquies per triennium munere usque ad annum 1983, confirmatus

est. Eo rectore, « Universitas Italorum Catholicorum » valde propagabatur et

novis propositis assidue sollicitabatur praecipue in dialogis inter scientiam

et fidem aut in sollicitudine de rebus et quaestionibus socialibus denique in

vinculo actionis cum Italica Ecclesia. Quamdiu Universitatem rexit, vocatio-

nibus favit, expleto autem rectoris munere, consociationem dictam « Civitas

hominis » ad publicam utilitatem et ad hominis perfectionem, politicis ins-

trumentis constitutam, fundavit. Die 18 mensis Maii anno 1986, insanabili

morbo, quo iam aliquibus annis cruciabatur, mortuus est.

Fama sanctitatis eius, a die 17 mensis Decembris anno 1994 ad diem

14 mensis Decembris anno 1996 iuxta Curiam Mediolanensem Inquisitio

dioecesana celebrata est, cuius iuridica validitas ab hac Congregatione de

Causis Sanctorum per Decretum diei 8 mensis Octobris anno 1997 ap-

probata. Exarata Positione, disceptatum est secundum normas an Servus

Dei heroicum in modum virtutes excoluisset. Die 7 mensis Octobris anno

2011 habitus est, positivo cum exitu, Peculiaris Congressus Consultorum

Theologorum. Patres Cardinales et Episcopi die 4 mensis Iunii anno 2013

Ordinaria in Sessione congregati, me Cardinale Angelo Amato presidente,

Servum Dei heroicum in modum virtutes theologales, cardinales et adnexas

excoluisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Iosephi

Lazzati, Laici consecrati, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 5 mensis Iulii a.D. 2013.

ANGELUS CARD. AMATO, S.D.B. Praefectus

L. G S.

G MARCELLUS BARTOLUCCI Archiep. tit. Mevaniensis, a Secretis