Congregatio de Causis Sanctorum 835

ACTA CONGREGATIONUM

CONGREGATIO DE CAUSIS SANCTORUM

ILLERDENSIS

Beatificationis seu Declarationis Martyrii Servorum Dei Iosephi Nadal y Guiu et

Iosephi Jordán y Blecua, Sacerdotum Dioecesanorum ({ 12.VIII.1936)

DECRETUM SUPER MARTYRIO

« Ita ut et nos ipsi in vobis gloriemur in Ecclesiis Dei pro patientia vestra

et fide in omnibus persecutionibus vestris et tribulationibus quas sustinetis »

(2 Th 1, 4).

Verba apostoli Pauli singulari modo in vita morteque Servorum Dei

Iosephi Nadal y Guiu et Iosephi Jordán y Blecua resonant, duorum iuvenum

presbyterorum qui ipsas persecutionis angustias vixerunt, sed, sustinentes

adversa, fideles Evangelio exstiterunt et, ob amorem Dei Ecclesiaeque,

paratos ad obeundum martyrium se praebuerunt.

Tertio decennio saeculi XX in Hispania religionis odium crescebat quod,

etiamsi primo tempore instar discriminis erga Ecclesiam animadvertebatur,

fortiter imminuens publici cultus exercitium idque in arbitrium civilis aucto-

ritatis redigens, statim in aggressionem et crudelitatem mutatum est: revera

non raro conventus igni absumebantur, sacrae imagines destruebantur; reli-

giosi et sacerdotes calumniis et violentiis vexabantur.

His in adiunctis odii et persecutionis versantes, iuvenes Servi Dei, ambo

sacerdotes Dioecesis Illerdensis, suum expleverunt ministerium et morti

obviam advenerunt.

Etenim prior est Iosephus Nadal y Guiu, qui die 25 mensis Iulii anno 1911

in parva urbe vulgo Bell-lloc est ortus. Inde a pueritia fortem ostendit indo-

lem, docilem tamen et oboedientem atque alto sensu spirituali divitem. Mi-

nistrans assiduus in liturgia, cotidie Eucharistiam participabat. Die primae