Congregatio de Causis Sanctorum 841

PISANA

Beatificationis et Canonizationis Ven. Servi Dei Iosephi Toniolo, Christifidelis Laici

(1845-1918)

DECRETUM SUPER MIRACULO

Venerabilis Servus Dei Iosephus Toniolo die 7 mensis Martii anno 1845

Tarvisii ortum habuit a christiana familia fide penitus imbuta. Classicis

studiis expletis, lauream obtinuit in iurisprudentia. Deinde uxorem duxit

Mariam Schiratti, ex cuius coniugio septem nati sunt filii. Summis votis ad

universitarium evectus est magisterium, et anno 1882 munus attigit Profes-

soris Ordinarii apud Studiorum Pisanam Universitatem. Inter praecursores

Litterarum Encyclicarum Rerum novarum, die 29 mensis Decembris anno

1889 «Unionem Catholicam » condidit pro studiis socialibus, brevi illustris

interpres doctrinae socialis christianae factus; sollicitudine enim ductus est

colloquium suscipiendi inter mentem catholicam et humanas scientias, ut

novum promoveret conspectum oeconomiae et societatis, ita ut ordinem mo-

ralem, bonum commune et humanam dignitatem tueri possent. Venerabilis

Servus Dei die 7 mensis Octobris anno 1918 Pisis placide in Domino obdor-

mivit. Die 14 mensis Iunii anno 1971 super eius heroicis virtutibus vulgatum

est Decretum.

Ad beatificationem quod attinet, Postulatio Causae iudicio huius Con-

gregationis de Causis Sanctorum subiecit mirum coniectum eventum, inter-

cessioni Venerabilis Servi Dei adscriptum, respicientem sanationem viri

Francisci Bortolini a gravi veternoso statu: qui eventus Coneliani patratus

est die 11 mensis Iunii anno 2006. Etenim aliquot ante dies vir Bortolini,

alcoholica affectus potione, ex quadam altitudine casu elapsus est, vehe-

mentem capitis ictum subiens graveque trauma sibi inducens. Conscientia

orbatus in valetudinarium urgenter est translatus, ubi variis submissus est

inquisitionibus; tunc statutas assumpsit curationes, quae pro dolor haud

efficaces exstiterunt; sequentibus enim diebus valetudo eius praesertim in

regione cerebrali reddita est in deterius.

Sic stantibus rebus, quae valde funestae videbantur, nonnulli familiares

infirmi adiverunt parochum loci v.d. Pieve di Soligo, in municipio residentiae

domini Bortolini, precantes ut totam communitatem hortaretur ad eius Deo