Congregatio de Causis Sanctorum 839

Llano de Brujas, in Murcia provincia. Baptizatus est cum nomine Balthasar

Mariano. Anno 1930 suscipiens nomen Bonaventura, ingressus est in Fratrum

Minorum novitiatum et anno 1935 vota perpetua professus est. Die 24 mensis

Iulii anno 1936 propter incipientem persecutionem religiosam iuxta suam

familiam se recepit. Prima luce diei 4 mensis Septembris in domo paterna

deprehensus est et una cum Domino Pedro Sánchez Barba in locum martyrii

deductus est. Eius corpus cruore respersum et cum leni ac sereno risu in vultu

a fratribus suis inveniebatur post aliquas horas in via ad Espinardo iuxta

locum vulgo dictum Cuello de la Tinaja.

Dominus Petrus Sánchez Barba, Sacerdos dioecesanus, natus est die

1 mensis Iulii anno 1895 in loco Sanctae Crucis, in territorio dicto Llano de

Brujas. Anno 1919 sacro presbyteratus ordine est insignitus, postea parochus

fuit in Murcia et in Tertium Ordinem Sancti Francisci ingressus est. Prima

luce diei 4 Septembris anno 1936, domi suae deprehensus est et in locum

martyrii traductus est una cum fratre germano Fulgentio et fratre Bonaven-

tura Muñoz Martı́nez. Primo coniectu tres captivi vulnerati, humi prolapsi

rursus plumbo interfecti sunt et tantum Fulgentius mirum in modum

superstes fuit, reddens testimonium singulare martyrii Servorum Dei Petri

et Bonaventurae.

Dominus Fulgentius Martı́nez Garcı́a, Sacerdos dioecesanus, die 14 mensis

Augusti anno 1911 in pago vulgo dicto La Ribera de Molina, in provincia

Murcia, ortus est. Sacro presbyteratus ordine anno 1935 insignitus est. Die

18 mensis Iulii anno 1936 deprehensus est et Murciam traductus die 2 mensis

Octobris, ubi condemnatus est ficto crimine proditionis sed revera quia

sacerdos Christi fuit. In extrema epistula ad parentes in carcere suam pro

Christo moriendi serenitatem manifestavit « offerens vitam in satisfactionem

meorum peccatorum et ut quam primum perficiat hic luctus qui Hispaniam

sanguine cruentat ». Servus Dei die 4 mensis Octobris, in festivitate Sancti

Francisci Assisiensis, cuius Tertii Ordinis Saecularis iam a seminario

dioecesano particeps fuit, plumbo interfectus est iuxta agrum ad armas

exercitatione displodendas vulgo Campo de Tiro nuncupatum, iuxta locum

Espinardo, prope urbem Murciam. Aperta facie extrema sua verba magna

voce nuntiavit «Viva Cristo Rey! ».

Fama Martyrii quattuor Servorum Dei consolidata et aucta est iuxta

Ecclesiam. Quamobrem ab anno 1963 ad 1964 celebratus est Processus

Ordinarius Informativus iuxta Curiam Carthaginensem in Hispania, cuius

iuridica validitas a Congregatione de Causis Sanctorum per Decretum diei