Acta Apostolicae Sedis - Commentarium Officiale850

Cordis Iesu in paroeciis suscitavit et summopere institutioni generali et

christianae puerorum favit et Evangelio Deum non credentibus nuntiando

valde cavit, quorum permultos duxit ad fidem Christi, et adorationem

eucharisticam promovit inter fideles et Tertium Ordinem Sancti Francisci

instituit propositumque Congregationis Sororum ab Adoratione Sanctissimi

Sacramenti fundandae Romae consummavit.

Die 30 mensis Augusti anno 1911 Servus Dei nominatus est Vicarius

Apostolicus Changanacherrensis et die 3 mensis Decembris anno 1912

Episcopus consecratus. Pastoris ministerium, presbyterali eius operi consen-

taneum, vitae interioris magnitudine et multiplici navitate eminuit, quam in

profundam spiritualem instaurationem et in authenticam societatis et civilis

cultus restaurationem Evangelio et doctrina christiana suffultam direxit.

Etsi incommodis quibusdam valetudinis laborari iam inciperet, quae in ulti-

mis maxime annis eum vexaverunt, indefessus fuit semper verbi Dei praeco

et omnium in Christo instaurator.

Multas scripsit Litteras pastorales, quae omnes vera exseruerunt

theologiae dogmaticae et moralis summa. Prudentia ac iustitia Dioecesim

gubernavit; sanctificationem cleri et vocationes ad sacerdotium fovit et,

licet opibus vehicularibus careret idoneis, tres pastorales inspectiones

omnibus in paroeciis Changanacherrensis Dioecesis tum amplissimae gessit.

Hanc pastoralem sollicitudinem e vita liturgica atque diuturna Sanctissimi

Sacramenti adoratione nocte hauriebat; eius pietas etenim in proximum,

misericors fraternitas cum miseris, ardens desiderium pauperibus

derelictisque subveniendi necnon voluntas aegrotorum egenorumque toto

pectore adhaerendi, ex intima ac constanti communione cum Deo effun-

debautur.

Anno 1913 Servus Dei articulorum doloribus laborari incepit, qui eum

incitum diutius continuerunt, sed iugem tamen atque indesinentem exhibuit

navitatem pastoralem. Anno 1925 ineunte, Romam profectus est, ubi

inopinatam ob infirmitatem in valetudinarium receptus est. Condiciones vero

aegroti repente adeo sunt exacutae, ut, infirmorum sacramentis susceptis, die

2 mensis Iunii eiusdem anni in Domino quiesceret. Post exsequias sepultae

sunt mortales eius exuviae in coemeterio Verano in Urbe, quae vero decennio

post translatae sunt Changanacherrim ac in ecclesia Cathedrali Mariae

Sanctissimae dicata tumulatae.

Iam inde a temporibus mortis sanctitatis fama Servi Dei in dies apud

populum dimanavit. Cuius rei gratia, Causa Beatificationis et Canonizationis