Congregatio de Causis Sanctorum 837

Priusquam morti occumberent, Servi Dei confessionem mutuo audiverunt

atque humiles et perseverantes in oratione perstiterunt. In oppidoMonzón die

12 mensis Augusti anno 1936 interempti sunt. Deinde carnifices conati sunt

corpora cremare, quod tamen partim tantummodo fecerunt; itaque ea velo-

citer in ipsum locum excidii condiderunt. Sed quid commovens evenit dum

corpora sepeliebantur; quae enim partialiter combusta quasi in fusionem sunt

redacta ita ut, cum duae arcae allatae fuerint ad condenda corpora, illi

decreverunt ea in una ponere. Statim in populo diffusa est opinio de vero

eorum martyrio, quod acceptum est in unitate spiritus supernaturalis, animi

fortitudinis et praeparationis spiritualis: in unitate fidei, et etiam in ministe-

rio, immo in morte et in sepultura.

Propter hanc martyrii famam, a die 21 mensis Octobris anno 1948 ad

diem 21 mensis Februarii anno 1951, apud Curiam dioecesanam Illerdensem

Processus Ordinarius est actus, cuius iuridica auctoritas per Decretum diei

26 mensis Iunii anno 1992 a Congregatione de Causis Sanctorum est recogni-

ta. Parata Positione, disceptatum est, ad suetas normas, an mors Servorum

Dei martyrium considerari potuisset. Die 9 mensis Iunii anno 2009 Peculiaris

Consultorum Theologorum Congressus, positivo cum exitu, habitus est. In

Sessione Ordinaria die 5 mensis Octobris anno 2010 Patres Cardinales et

Episcopi, audita relatione Ponentis Causae Excellentissimi Domini Francisci

Croci, Episcopi Potentini in Piceno, agnoverunt Servos Dei martyrium in

odium fidei sustinuisse.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit: Constare de

martyrio eiusque causa Servorum Dei Iosephi Nadal y Guiu et Iosephi Jordán

y Blecua, Sacerdotum Dioecesanorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 10 mensis Decembris A.D. 2010.

Angelus Card. Amato, S.D.B.

Praefectus

L. e S.

e Michaël Di Ruberto Archiep. tit. Biccarensis, a Secretis