Acta Apostolicae Sedis - Commentarium Officiale838

CARTHAGINENSIS IN HISPANIA

Beatificationis seu Declarationis Martyrii Servorum Dei Antonii Faúndez López,

Sacerdotis ex Ordine Fratrum Minorum et III Sociorum ({ 1936)

DECRETUM SUPER MARTYRIO

« Attendamus, omnes fratres, bonum pastorem, qui pro ovibus suis

salvandis crucis sustinuit passionem. Oves Domini secutae sunt eum in

tribulatione et persecutione, verecundia et fame, in infirmitate et tentatione

et ceteris aliis; et de his receperunt a Domino vitam sempiternam » (Admoni-

tiones Sancti Francisci Assisiensis, VI, 1-2).

Seraphicus Sanctus Franciscus Assisiensis his verbis evangelico afflatu,

hortabatur, ut filii sui expeditius Christi vestigia ingrederentur, non

dedignantes eius humiliationibus interesse, ut ad gloriam eius iungerentur.

Servi Dei, de quibus loquimur, religiosa et cruenta persecutione in Hispania

furente, anno 1936, Christo fidei splendidum testimonium obtulerunt sta-

timque fata sua accesserunt et magnis periculis necnon iniuriis et omnino

iniusta sententia pro Christi amore usque ad sanguinis effusionem passi sunt.

Parvus coetus martyrum tam Primi quam Tertii Ordinis Sancti Francisci

Assisiensis a patre Antonio Faúndez López, Sacerdote professo ducitur. Hic in

oppido vulgo dicto La Hiniesta, dioecesis Zamorensis, die 23 mensis Iulii anno

1907 natus est, et duos dies post cum nomine Michaëlis baptizatus est.

Professionem perpetuam iuxta Ordinem Fratrum Minorum emisit et die 8

Februarii anni 1931 sacro presbyteratus ordine consecratus est.

Die 11 mensis Martii anno 1936 milites rei publicae Hispanicae propaga-

tores, vulgo dicti «milicianos », coenobium in oppido Cehegı́n, in Murcia pro-

vincia, aggressi sunt et Servus Dei aliis in locis invenire salutem et refugium

coactus est. Sed vespere diei 11 mensis Septembris, cum in domum hospita-

lem benigne receptus erat, a militibus ficta causa deductus est. Cum in via

iam esset et cognosceret se in alium locum, occisionis causa, adductum esse,

statim magna voce clamavit «Viva la Virgen del Rosario! », « Viva Cristo

Rey! ». Vulneratus ab ictibus armorum militum suo sanguine vias oppidi

vulgo dicti Bullas purpuravit.

Frater Bonaventura Muñoz Martı́nez, clericus professus O.F.M., natus est

die 7 mensis Decembris anno 1912 in loco Sanctae Crucis, in territorio dicto