Acta Apostolicae Sedis - Commentarium Officiale842

petendam sanationem. Parochus et populus infirmum commendaverunt in-

tercessioni Venerabilis Servi Dei, illo in paroeciali templo sepulti. Ipse sacer-

dos insuper familiaribus tradidit particulam exuviarum Venerabilis, ut ad

pulvinar lecti infirmi apponerent. Preces ad summum attigerunt exitum

die 11 mensis Iunii anno 2006, ipso quidem die quo conspectus clinicus evi-

denter in melius mutabatur; tunc generales condiciones valetudinis infirmi

positive refectae apparuerunt et infirmus e veternoso statu celeriter experge-

factus est. Praeterea absentia inhabilitatis functionalis et consueta Francisci

facultas cognoscendi sunt adamussim examinatae, ex quibus non apparue-

runt aspectus qui uti residui haberentur.

Perspicue constat temporis congruentia et nexus inter supplicationes ad

Venerabilem Servum Dei et sanationem Francisci, qui in praesens bona

utitur valetudine et ordinariam vitam degit ad humanas gerendas relationes.

Hunc mirum praesumptum eventum inspexit dioecesana Inquisitio, quae

apud Episcopalem Curiam Victoriensem Venetorum instructa est a die 24

mensis Septembris ad diem 19 mensis Octobris anno 2006, cuius iuridicam

validitatem Congregatio de Causis Sanctorum approbavit Decretum vulgans

die 30 mensis Novembris anno 2007. Postea, die nempe 28 mensis Februarii

anno 2008 acta porrecta sunt inspectioni et existimationi Consilii Medicorum

Dicasterii, qui, attentis aspectibus gravis traumatis quod mense Iunio anni

2006 dominum Bortolini corripuerat, professi sunt sanationem celerem, per-

fectam, constantem et iuxta leges scientiae medicae inexplicabilem fuisse.

Die 29 mensis Aprilis anno 2009 actus est Congressus Peculiaris Consultorum

Theologorum, quem die 12 mensis Decembris eiusdem anni alter Congressus

secutus est, qui casum altius inspiciens positiva emisit vota. Patres Cardina-

les et Episcopi die 11 mensis Ianuarii anno 2011 in Sessione Ordinaria

congregati, expleta relatione Ponentis Causae, Exc.mi D.ni Ioannis Pauli

Benotto, Archiepiscopi Pisani, agnoverunt sanationem tamquam verum

miraculum, Venerabilis Servi Dei intercessioni adscribendum.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Venera-

bilis Servi Dei Iosephi Toniolo, Christifidelis laici, videlicet de celeri, perfecta ac

constanti sanatione domini Francisci Bortolini a « coma profondo post-trauma-

tico e intossicazione da alcool ».