Congregatio de Causis Sanctorum 843

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Ianuarii A.D. 2011.

Angelus Card. Amato, S.D.B.

Praefectus

L. e S.

Marcellus Bartolucci

Archiep. tit. el. Mevaniensis, a Secretis

ROMANA

Beatificationis et Canonizationis Ven. Servi Dei Ioannis Pauli II (Caroli Wojtyła),

Summi Pontificis (1920-2005)

DECRETUM SUPER MIRACULO

Venerabilis Servus Dei Ioannes Paulus II (Carolus Wojtyła) natus est die

18 mensis Maii anno 1920 in urbe Wadowice, in Polonia. Ad sacerdotium

vocari persentiens, cursus theologiae Cracoviae explevit apud Seminarium

clandestinum ac deinceps die scilicet 1 mensis Novembris anno 1946 sacro

presbyteratus ordine est unctus. Deinde Romam missus est ut studia perfi-

ceret, munus postea accipiens magistri theologiae moralis et ethicae apud

Seminarium maius Cracoviense et apud Lublinensem Theologiae Facultatem.

Anno 1958 ordinatus est Episcopus Auxiliaris Metropolitanae Ecclesiae Cra-

coviensis; anno 1964 nominatus est Archiepiscopus eiusdem Sedis, ac postea

anno 1967 inter Purpuratos Patres est cooptatus. Die 16 mensis Octobris

anno 1978 ad Petrianam Sedem est electus, nomen assumens Ioannis

Pauli II. Eius Pontificatus tam apostolico fervore quam pastoralibus inceptis

longe ditissimus exstitit. Post annos adversae valetudinis die 2 mensis Aprilis

anno 2005, ingenti sanctitatis fama circumdatus, in Domino obdormivit.

Successor eius, Summus Pontifex Benedictus XVI, die 19 mensis Decembris

anno 2009 virtutum heroicitatem agnovit.