Acta Apostolicae Sedis - Commentarium Officiale844

Ad beatificationem quod attinet, Postulatio Causae iudicio Congregatio-

nis de Causis Sanctorum coniectam porrexit miram sanationem, intercessioni

Venerabilis Servi Dei Ioannis Pauli II adscriptam. Huiusmodi casus in urbe

Puyricard in Gallia patratus est diebus 2 et 3 mensis Iunii anno 2005

et respicit sanationem a morbo Parkinson Sororis Mariae Simonis Petri

Normand, affectae syndrome parkinsoniana, quam oppetendam curationibus

parum efficacibus est temptatum, ita ut condiciones valetudinis patientis

in peius paulatim ruerent, usque ad totalem fere eius activitatum cessa

tionem.

Prae hoc funesto contextu, Soror Maria Simonis Petri opem imploravit

Venerabilis Servi Dei, qui illis ipsis diebus, eodem morbo affectus, oculos

convertebat ad lucem huius mundi; praeterea aliquot per dies quaedam Con-

sorores eius precibus se sociarunt ad donum sanationis assequendum. Rerum

condicio die 3 mensis Iunii radicitus est mutata: infirma enim ex improviso

melius se habuit, advertens quendam sensum agilitatis in totum eius corpus

irrumpentis; inde motus resumere coepit iuxta normam, rediens ad consue-

tum ordinem vitae communitariae et ad facultates scribendi et operandi

ex consuetudine. Subsequentes inquisitiones medicae plenam valetudinis

restitutionem confirmaverunt, cui accesserunt tam omnimoda absentia indi-

ciorum clinicorum quam consuetus corporis mentisque status.

Aperte constat congruentia chronologica et nexus inter concordem

invocationem, antecedentem univocamque, ad Venerabilem Dei Servum et

sanationem Sororis Mariae Simonis Petri Normand, quae in praesens bona

gaudet valetudine et usitatam relationis vitam gerere potest.

De hoc asserto miraculo a die 17 mensis Aprilis anno 2006 ad diem

23 mensis Martii anno 2007 apud Curiam Episcopalem Aquensem in Gallia

Inquisitio dioecesana facta est, cuius iuridicam auctoritatem agnovit

Congregatio de Causis Sanctorum Decretum vulgans die 11 mensis Aprilis

anno 2008. Acta, quae collecta erant, die 21 mensis Octobris anno 2010 studio

submissa sunt et examini Consultationis Medicae Dicasterii. Medici quidem,

accuratis praehabitis iudiciis necnon gravitate cognita status valetudinis

Sororis Mariae Simonis Petri, sanationem edixerunt celerem, perfectam,

constantem et ex scientia medica inexplicabilem fuisse. Die 14 mensis

Novembris anno 2010 Congressus Peculiaris habitus est Consultorum

Theologorum. Expleta relatione Ponentis Causae, Exc.mi D.ni Salvatoris

Fisichella, Archiepiscopi tit. Vicohabentini, Patres Cardinales et Episcopi

in Sessione Ordinaria diei 11 mensis Ianuarii anno 2011 eventum inspexerunt.