Congregatio de Causis Sanctorum 847

Hoc quidem tempore Antonius fidelem se gessit omnibus obligationibus

huic ministerio adnexis, peculiarem in modum iis respicientibus administra-

tionem sacramentorum, participationem rituum liturgicorum, materiale et

spirituale servitium pro pauperibus et infirmis, in quibus implendis iugiter

signa dedit exemplaris conversationis et assidui progressus ad perfectionem

sacerdotalem. Ob hunc sese gerendi modum statim sibi conciliavit aestima-

tionem Regis, qui proposuit illum tamquam Praelatum loci Sanctae Luciae

del Mela in Sicilia. Die 8 mensis Maii anno 1617 Servus Dei, praehabita

Summi Pontificis Pauli V licentia, sollemni ritu Praelaturae cepit possessio-

nem.

Illis annis quibus in loco Sanctae Luciae del Mela moratus est, Antonius

authenticum in dies Dei virum sese ostendebat. Summo studio curavit litur-

giam, praecipue celebrationem eucharisticam, indefessum sese declarans

Evangelii praeconem, ita ut exemplo simplicis humilisque vitae necnon

constanti cum Deo communione christifideles aedificaret.

Vestigia persequens Sancti Caroli Borromaei et decretis Concilii Tridenti-

ni prorsus oboediens, Servus Dei intensam dedit operam ad reformationem

institutionum ecclesialium singillatim exsequendam, et provexit vigilem

actionem super formatione clericorum et sacerdotum, institutione doctrinae

christianae, legitima praxi pietatis popularis, peculiariter incumbens in bonos

mores et culturam Populi Dei relevanda.

Magno quoque sensu enituit erga instabiles agricolarum Siculorum condi-

ciones, varia edens decreta adversus usurarios. Ob suam extraordinariam de

ultimis sollicitudinem necnon ob peculiarem paenitentiae et austeritatis

vitam, omnibus aestimatus est et uti sanctus vir honoratus. Continuis incom-

modis et aegritudine confectus, Servus Dei, amore et affectu suae communi-

tatis circumdatus, piissime obiit die 2 mensis Septembris anno 1626.

Attenta eius fama sanctitatis, apud Curiam Ecclesiasticam Messanensem

a die 14 mensis Decembris anno 1988 ad diem 23 mensis Maii anno 1993

instructa est Inquisitio dioecesana, cuius iuridicam validitatem approbavit

Congregatio de Causis Sanctorum Decretum vulgans die 26 mensis Februarii

anno 1994. Exarata Positione, ut de more disceptatum est super virtutibus a

Servo Dei heroicum in modum exercitis. Die 20 mensis Novembris anno 2007

habita est, et quidem positivo cum exitu, Sessio Consultorum Historicorum,

et die 20 mensis Novembris anno 2009 Congressus Peculiaris Consultorum

Theologorum faventem quoque tulit sententiam. Purpurati Patres et Episco-

pi, in Sessione Ordinaria die 7 mensis Decembris anno 2010 congregati,