Acta Apostolicae Sedis - Commentarium Officiale848

audita relatione Ponentis Causae, Exc.mi D.ni Franci Croci, Episcopi titulo

Potentini in Piceno, edixerunt Servum Dei theologales, cardinales eisque

adnexas virtutes heroico in gradu excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum necnon de cardinalibus Prudentia, Iustitia, Temperan-

tia et Fortitudine iisque adnexis, in gradu heroico, Servi Dei Antonii Franco,

Praelati Ordinarii Sanctae Luciae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 14 mensis Ianuarii A.D. 2011.

Angelus Card. Amato, S.D.B.

Praefectus

L. e S.

Marcellus Bartolucci

Archiep. tit. el. Mevaniensis, a Secretis

CHANGANACHERRENSIS

Beatificationis et Canonizationis Servi Dei Thomae Kurialacherry, Primi Episcopi

Changanacherrensis, Fundatoris Sororum ab Adoratione Sanctissimi Sacramenti

(1873-1925)

DECRETUM SUPER VIRTUTIBUS

«Haec institutio amoris, videlicet Eucharistia, quae, infinitam dilectio-

nem Dei erga unumquemque nostrum, corda hominum in amoris divini im-

mensitatem mergit et, suipsius oblatione sub specie panis pro cuiuscumque

hominis bono, omnes ad mutua acta amoris exserte inducit, in se non modo

Biblia et universum Magisterium, sed ipsum Caelum amplectitur, quia bea-

titudo Caeli Deus ipse est » (Litterae pastorales, diei 25 Martii 1924).