Congregatio de Causis Sanctorum 849

Haec verba vita et spiritualem conversationem Servi Dei Thomae Kuria-

lacherry summopere perstringunt, qui omnibus ut «Episcopus Eucharistiae »

notus erat et in sacrificio altaris invenit fontem, ut amori Dei et pastorali

muneri in Ecclesia toto studio ac corde vacaret.

Servus Dei in civitate Champakulam, nunc intra fines Archidioecesis

Changanacherrensis Syro-Malabarensium, in Kerala Indiae regione, die 14

mensis Ianuarii anno 1873 natus est, ultimus ex filiis Iacobi Kurialacherry

et Annae Valliyara, e locupleti familia christiana pietate informata. In eccle-

sia paroeciali vici Kalloorkat ad sacramentum baptismatis ductus est, nomine

Thomae imposito, et firmam recepit institutionem christianam.

Primam puerilem institutionem iniit in parvo suipsius vico; dein vero

studia perrexit apud Institutum publicum Changanacherrense et, cum fores

scholae Anglicae sub titulo Sancti Ephraem Mannanensis Congregationis

Fratrum Carmelitarum Beatae Mariae Virginis Immaculatae reseratae sunt,

hoc frequentavit novum Collegium, in quod postea tamquam hospes receptus

est permanenter inde a tertiodecimo aetatis anno. In universo suo cursu

studiorum diligentem ac devotum sese semper exhibuit alumnum, nam

presbyterum quendam monasterii moderatorem spiritualem elegit, cotidie

Sanctae Missae intererat, orationi attendebat, ad Eucharistiam celebran-

dam altare comparare curabat ac saepius in otio Sanctissimum Sacramentum

visitabat.

Hac in conversatione sic in animo eius vocatio ad sacerdotium dilucidius

germinabat, ut ille dum decimum sextum agebat annum, sacramento confir-

mationis ac tonsura susceptis, ab Episcopo missus sit Romam ad perficienda

Theologiae studia apud Collegium Urbanum de Propaganda Fide, ubi spiritu

oboedientiae, mariali et eucharistica pietate, navitate studii et exemplari vita

emicuit. In fastis Collegii, ubi novem annos degit, de eo legitur: « Vere

optimus in omnibus. Fuit diligens Praefectus contubernalis. Pietatem sum-

mopere coluit. Ad missionem aptissimus ». Dum olim Conventum invisebat

prope Collegium, ubi adoratio perpetua fiebat, afflatum Congregationis reli-

giosae pro Sanctissimi Sacramenti contemplatione domi fundandae divinitus

accepit.

Die 27 mensis Maii anno 1899 presbyteratu auctus est ac, mense No-

vembri eiusdem anni ineunte in patriam reversus, usque ad annum 1901

ministerium sacerdotale pluribus in paroeciis exercuit, benevolentissimam

navans pastoralem in christifideles operam et in eorundem renovationem

spiritualem omnem sollicitudinem impendens. Confraternitatem Sacratissimi