Acta Apostolicae Sedis - Commentarium Officiale856

obtinendarum pium desiderium recte concipiendum et fovendum excitare,

Pontificio Consilio de Nova Evangelizatione Promovenda enixe rogante, at-

tente perspectis Congregationis pro Doctrina Fidei Adnotationibus de Anno

Fidei cum pastoralibus indicationibus, ad Indulgentiarum donum per Fidei

Annum acquirendum, sequentes statuit dispositiones iuxta ipsius Augusti

Pontifı̀cis mentem editas, quo christifideles impensius ad cognitionem et

amorem Doctrinae Ecclesiae Catholicae incitentur et inde uberiores usque

spiritales fructus hauriant.

Totum per Fidei Annum, a die 11 Octobris 2012 usque ad integram diem

24 Novembris 2013 indictum, plenariam temporalis poenae, pro peccatis

luendae, misericorditer in Domino consequi valebunt Indulgentiam, quam

etiam animabus fı̀delium defunctorum per modum suffragii applicare

possunt, omnes et singuli christifideles vere paenitentes, rite confessi, eucha-

ristica Communione refecti et ad mentem Summi Pontificis orantes:

a. - quotiescumque tribus saltem sacrarum Missionum contionibus aut

tribus institutionibus de Actis Concilii Vaticani II et Articulis Catechismi

Catholicae Ecclesiae in qualibet ecclesia aut loco apto habendis interfuerint;

b. - quotiescumque quamlibet Papalem Basilicam, christianorum cata-

cumbas, Cathedralem Ecclesiam, Sacrum Locum pro Anno Fidei ab Ordina-

rio loci designatum (ex. gr. inter Basilicas Minores et Sanctuaria Beatae

Mariae Virgini, Sanctis Apostolis et Sanctis Patronis dicata) in forma

peregrinationis inviserint et ibi alicui sacrae functioni pie interfuerint vel

saltem per congruum temporis spatium piis vacaverint considerationibus,

concludendis Oratione Dominica, Fidei Professione, qualibet legitima for-

mula adhibita, atque invocationibus Beatae Mariae Virginis et Sanctorum

Apostolorum vel Patronorum;

c. - quotiescumque, diebus ab Ordinario loci pro Anno Fidei determi-

natis (ex. gr. in sollemnitatibus Domini, Beatae Mariae Virginis in festis

Sanctorum Apostolorum et Sanctorum Patronorum, in Cathedra Sancti Pe-

tri), in quolibet loco sacro sollemni pie interfuerint eucharisticae celebrationi

vel liturgiae horarum, addita Fidei Professione, qualibet legitima formula

adhibita;

d. - die in Anno Fidei libere eligendo pro pia visitatione baptisterii vel

alii loci, in quo Baptismatis sacramentum receperunt, dummodo vota

baptismalia qualibet legitima formula renovaverint.