B

Bacchans, II, 1043 B, Digne quidem ut bacchantibus indumentis aliquid subtinniret; bacchantia indumenta, purpureae vestes mulierum bacchantium propriae.

Bajuli. I, 1281 B, Nec Germanicos bajulos. Erant Germanici bajuli, qui aut sedentes harmamaxis, aut quiescentes lecticis gestabant, virorum principum molliorumve foeminarum satellites, proceritatis caussa dilecti maxime.

Balteus seu Balteum. I, 634 B, Vias enim vocant cardines balteorum per ambitum. Viae duplex fuit ratio: una transversa, per ambitum euntibus, altera 1264B recta, veluti per proclivum (ut auctor loquitur) caveam circumve petituris. Ambitus enim digniorum fuit proxime caveam aut circum; proclivum, popularium ambitum circumstantium. Ambitum, in quo senatorum orchestra fuit, distinctum fuisse narrat Tertullianus balteis et cardinibus. Balteos sive baltea (quod frequentius) ea opera constat μεταφόρικῶς appellari, quae aliorum velut cingula et repagula sunt, eaque substringunt et firmant loco suo. In spectaculis item baltei sive baltea dicta sunt repagula consessuum, quibus senatorum, equitum et magistratuum στίχοι sive ordines distincti erant, ut commode spectare possent; puta deni, quindeni, viceni, triceni, etc., singulis balteis conclusi, prout a circo aut cavea propius aberant, deminuta balteorum longitudine. Singulis autem balteis sui erant cardines ad utramque viam bini, quibus a dextra ac sinistra ingrediebantur spectaturi, et ingressi occludebant, ne quis balteum praeterea inire posset. 1264C Cardines autem synecdochice eo dicebantur, quod fores essent versatiles et cardinibus impactae, ut liber aditus atque exitus pateret spectatoribus (quemadmodum item ab auctore cap. 20 appellantur), ex via in balteum, aut ex balteo in viam abituris. Inter populares item par ratio: nisi quod populo pro honoratioribus balteis sedes purae erant, sive repagulis et fulcris manuariis; et levia quaedam discrimina viarum, cardinum digniorum loco. Hae igitur viae, inquit auctor, quibus a scena atque proscenio (quae sipario distinguebantur) secundum cardines balteorum ubi honoratiores sedebant per ambitum, et secundum discrimina popularium per proclivum extra spectacula veniebatur, aut contra, inter hos et illos cardines atque discrimina.

Baptismus. II, 1209 A, Post baptismum mundi, i. e. post diluvium. II, 1213 A, Cum Paulus solus ex illis baptismum Christi induerit. II, 1217 A, Baptismus sanguinis.

Barbaria. II, 890 B, Per Graeciam et quasdam 1264D Barbarias ejus. Barbarias Graeciae dicit extra Graeciam regiones quasdam, seu appositas Graeciae, quibuscum fuere Graecorum negotia seu bella. Horat.: Graecia barbariae lento collisa duello.

Bardus. II, 230 B, Pictor te bardior non est.

Basilia, βασιλεία. II, 350 B, In prima Basiliarum. Basilias, regna, i. e. Regnorum libros in duas partes dividebant; quarum prima duos libros capiebat, qui Samuelis inscribuntur, secunda duos Regum. Errant qui in primo Basil. legunt, nam locus est in prima Basiliarum, libro secundo eorum qui Samueli inscribuntur (cap. 7) . II, 389 A, Sic et retro in Basiliis.

Baxa, genus calceamenti deaurati et muliebris. II, 670 B, II, 1043 B, Soccus et baxa quotidie deaurantur.

Bekkos. I, 570 B, Prima vox Bekkos renuntiata est; interpretatio ejus panis apud Phrygas nomen est.

Benedictus. II, 42 A, Sub episcopatu Eleutheri benedicti. 1265A Benedictus erat apud primitivos Christianos eminens titulus. II, 1003 C, Bonus pastor et benedictus Papa.

Beneficiarii dicebantur milites beneficio principis assumpti ad officia seu ministeria certa; itaque apparebant principi mandatis exsequendis. II, 118 C.

Beneficium. II, 1031 A, Injuriae beneficium; injuria facta fuit Carthagini in eversione, beneficium in concessa restauratione.

Beryllus, βήρυλλος, gemma est una ex virentibus lucidisque nascens apud Indos, cujus speciem Plin. H. N., XXXVII, 5, facit Chrysoberyllum, pallidum quidem, sed in aureum colorem exeuntem. Agricola Choaspitem dici etiam Chrysoberyllum scribit, lib. VI Fossilium. Beryllus paulo languidior, fulgore in aurum vergente. II, 660 B, Nec beryllis ideo aquosa materia est quod fluctuent colato nitore.

Bestia. II, 261 B, Illas ipsas lectuli et tegetis tuae bestias, cimices et pulices. II, 913 A, Ut bestia quaedam, etc., periphrasis struthionis vel struthiocameli, 1265B quem optime describit Aristotel. lib. IV de Partib. Animal., et Plin. principio lib. X II. N.

Bestiarii, qui cum bestiis congrediuntur in arena, sive nocentes, sive inopia illorum alii cum immanibus feris comparati, I, 317 A. Hisce ultimum coenantibus liberaliter apponebatur mensa. I, 492 A, Non in publico liberalibus discumbo, quod bestiariis suprema coenantibus mos est.

Biaeothanati, βιαιοθάνατοι, quibus animae vi eripiuntur per atrocitatem suppliciorum, II, 747 B.

Bibere. I, 471 A, Qui unum spiritum biberunt sanctitatis. Opponit hos iis qui in Cebetis tabula errorem et ignorantiam bibere dicebantur. Paulo post: Coenare disciplinam.

Bisculum. I, 1246 B, Bisculum aliquid ferri vel aeris, unguibus repastinandis.

Blattire, incondite et inaniter loqui. II, 1032 B, Ut Silenus penes aures Midae blattit.

Botronatus est comae strues corimbiata. Hesych. 1265C Βοτρυδὸν ἑτέρα τῆς ἑτέρας ἐχομένη, ὡς οἱ βότρυες τὰς ῥάγας ἒχουσι πύκνας καὶ κατὰ συστροφὴν, ἢ συνηγμένοι ὁμοῦ. I, 1329 A.

Botulus. II, 954 B, Exteriores et interiores botuli Psychicorum. Amarulenta in orthodoxos hypallage, tanquam si dixerit: Crassi isti et pingues et obesi Psychici, botulis similes, tam farcti, quam botuli. Merito autem praefatus est honorem auribus. Etenim botulus interior quidem farciminis ingluvie stipatur, ut ganeonis alicujus abdomen; exterior vero in veretri modum inverecunde distenditur, ut Horatianus ille de ficulneo trunco deus: Obscenoque ruber porrectus ab inguine palus.

Brabium, βραβεῖον, praemium. I, 624 B, Brabium angelicae substantiae.

Breviarium. I, 1153 B, Ut revera in oratione breviarium totius Evangelii comprehendatur, i. e. brevis recensio atque summaria. Plin. H. N. VII, 26: Hoc est breviarium ejus ab Oriente.

Buccella. II, 943 B, Et illi plane sic dabunt viros 1265D et uxores quomodo buccellas, i. e. omnibus petentibus. Respicit enim ad dictum illud: Omni petenti te dato.

Buccinae. Sunt conchae minores, quae in mari nascuntur, II, 1033 B.

Byssinum. I, 1334 A, Vestite vos serico probitatis, byssino sanctitatis. Byssum speciem esse lini Indici vulgo fertur, quod ex arbore Ponticae hujus persimili lanae instar ducitur: quamvis nonnulli Indicae plantae corticem affirment.

Bythion, profundum, II, 551 A.

Bythos, βυθός, gurges, profundum. II, 68 A, 551 A. Illum Valentini Monogenem ex patre Βυθῷ et matre Σιγῇ.