1. 0 decus, o clavi suaves in stipite suavi, 0 liber, o lignum divino sanguine dignum, 0 pia crux Christi, quae tincta cruore fuisti; Sanguinis hoc sacro sacri nos tinge lavacro.

2. Robora conscendit tua Christus ibique pependit, Virginei floris honor et flos castus honoris, Fers, geris ipsa Deum, sumis de morte tropaeum; Servet ab impura lue nos tua sancta figura.

3. Rex in te magnus pia victima fit, pius agnus, Victima, quae lavit nos et te sanctificavit, Suscipis hinc rorem laticis rubeumque liquorem; Potibus his mentes nostras satia sitientes.

4. Sola polum scandis secretaque caelica pandis, Gaudia stelliferae sedis per te patuere, His habiles donis iustos hac sede reponis, Vota precesque damus, fac, ut illuc ire queamus.

5. Per te vita datur, per te mors evacuatur, Clausa recluduntur, reclusi suscipiuntur, Pondere peccati per te sumus exonerati; Per te quaesitae vehe nos ad gaudia vitae,

6. Cum barathri clatros leo fertis fregerit atros, Te duce confregit, praedas ex hostibus egit, Te duce terrificum tutudit perimens inimicum; Hac ope communi simulantia crimina puni.

7. Furibus antiquis timor exstiteras et iniquis, Magnus eras terror ludaeis, gentibus error, Qui prius horrori, nunc est cruciatus amori; Hostibus horrorem, credentibus infer amorem.

8. Alta super caelos gemitus attendis anhelos, Te polus implorat, mare servit, mundus adorat, Angelicus coetus pangit tua munia laetus; Te prece condigna petimus, famulos rege, signa.

9. Morte gravabamur, sed te relevante levamur, Dum mors vivebat, mortis nos vita premebat, Mors iacet exstincta, per te sunt vincla revincta; His sumus exuti per te, simus ergo soluti.